شي جينپيڭ 18 – كەزەكتى ورتالىق ءتارتىپ تەكسەرۋ كوميتەتىنىڭ 3 – ماجىلىسىندە ماڭىزدى ءسوز سويلەدى

2014.01.17 14:52   كەلۋ قاينارى : حالىق تورابى

　　14 – قاڭتاردا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ج ك پ 18 – كەزەكتى ورتالىق ءتارتىپ تەكسەرۋ كوميتەتىنىڭ 3 – ماجىلىسىندە ماڭىزدى ءسوز سويلەدى. ول مىنالاردى باسا دارىپتەدى: پارتيانى پارتيا باسقارۋعا، قاتاڭ باسقارۋعا تاباندى بولىپ، پارتيانىڭ پارتيا ستيلى، پاكتىك قۇرىلىسى مەن ءىرىپ – شىرۋگە قارسى تۇرۋ قىزمەتىنە بولعان ءبىر تۇتاس باسشىلىعىن كۇشەيتىپ، ءىرىپ – شىرۋگە قارسى تۇرۋ ءتۇزىلىسى مەحانيزمىندە جاڭالىق جاراتۋ مەن تۇزىمدىك قامتاماسىزدىقتى نىعايتىپ، يدەيالىق ساياسي تاربيەنى كۇشەيتىپ، پارتيانىڭ ءتارتىبىن قاتاڭداستىرىپ، «ءتورت ستيلدى» جونگە سالۋدان اۋىتقىماي، ءىرىپ – شىرۋدى جازالاۋ جانە وڭاۋدىڭ جوعارى قىسىمىن ساقتاپ، حالىق بۇقاراسى ءبىرشاما رازى بولاتىن جەتىستىكتەر مەن تابىستارعا جەتۋگە قۇلشىنۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، جاڭ گاۋلي ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان ءماجىلىستى باسقاردى.

　　شي جينپيڭ مىنالاردى اتاپ كورسەتتى: 2013 – جىلى پارتيا ورتالىق كوميتەتى پارتيا ستيلى، پاكتىك قۇرىلىسى مەن ءىرىپ – شىرۋگە قارسى تۇرۋ كۇرەسىنە ەرەكشە ءمان بەردى، ورتالىق ءتارتىپ تەكسەرۋ كوميتەتى پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا، پارتيانىڭ ءتارتىبىن قاتايتۋ، اسىرەسە ساياسي ءتارتىپ جاعىنان تەجەۋ، اتقارۋ ءتارتىبىن باقىلاۋدى قاتايتۋ، ءىرىپ – شىرۋ دەلولارىن تەكسەرىپ ءبىرجاقتىلى ەتۋ قاتارلى جاقتاردان اياۋسىز سوققى بەرىپ، ايقىن قىزمەت ەرەكشەلىگىن قالىپتاستىردى. ءار دارەجەلى پارتكومداردىڭ، ۇكىمەتتەردىڭ جانە ءتارتىپ تەكسەرۋ، باقىلاۋ ورگاندارىنىڭ ورتاق قۇلشىنۋىندا، پارتيا ستيلى، پاكتىك قۇرىلىسى مەن ءىرىپ – شىرۋگە قارسى تۇرۋ كۇرەسى تىڭ جەتىستىكتەرگە قول جەتكىزدى. ءبىز ورتالىق كوميتەت ساياسي بيۋروسىن تياناق ەتىپ، جوعارى تومەنگە جەتەكشى بولىپ، ۇلگىلىك رولىمىزدى ساۋلەلەندىردىك؛ كورنەكتى ماسەلەلەردى شەشۋدى ءتۇيىن ەتۋدەن جازباي، دۇرىستى قولداپ، بۇرىستى الاستاپ، كورنەكتى ناتيجەگە جەتتىك؛ ءىرىپ – شىرۋ دەلولارىن باتىل تەكسەرىپ ءبىرجاقتىلى ەتىپ، ءتارتىپ - تۇزىمگە قايشىلىق جاساعان «باسشى كادرلار» مەن «قاراپايىم كادرلاردى» بىرگە سوعۋعا تاباندى بولىپ، ءىرىپ – شىرىگەندەرگە قاتاڭ پوزيتسيا ۇستانۋ اۋقىمى قالىپتاستى؛ ۇقىقتى جۇيەلى جۇرگىزۋدى جەبەۋدەن جازباي، باقىلاۋدى كۇشەيتىپ، شارلاپ تەكسەرۋ قىزمەتىن كۇشەيتىپ جانە جاقسارتىپ، حالىق بۇقاراسىنىڭ اشكەرەلەۋ جانە باقىلاۋ ارناسىن ىركىلىسسىزدەندىرىپ، قالىڭ كادرلار مەن بۇقارانىڭ بەلسەندى باعاسىنا يە بولدىق.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى