2014 – جىلى 18 – قاڭتار، مەملەكەتتىك 312 – تاس جولدىڭ تۇرپان ايماعى ءپىشان اۋدانىنداعى بولەگىندە اۋىر قاتىناس شىرعالاڭى تۋىلىپ، ءىرى تۇرپاتتى جۇك اۆتوموبيلى مەن وعان تيەلگەن زاتتار تۇگەلدەي ورتەنىپ كەتتى.
ۇعىسۋعا قاراعاندا، سول كۇنى ساعات 20 : 9 اينالاسىندا سىر جانە بىلعارى اياق كيىمدەردى تيەگەن ءىرى تۇرپاتتى جۇك اۆتوموبيلى مەملەكەتتىك 312 – تاس جولدىڭ تۇرپان ايماعى ءپىشان اۋدانىنىڭ ورتالىعىنان 2 كيلومەتر قاشىقتىقتاعى قۇبا دالادا كەلە جاتقاندا اۆتوموبيلدىڭ شاعى جارىلىپ، كەنەتتەن ءورت كەتكەن. جۇك اۆتوموبيلىندە ءورت ءوشىرۋ جابدىقتارى بولماعاندىقتان، كابينكەدەن ۇلعايعان ءورت اۆتوموبيلگە تيەلگەن جانعىش زاتتارعا تۇتانىپ، اۆتوموبيل مەن تيەلگەن زاتتاردى ورتتەن اراشالاۋ مۇمكىن بولماعان. جەرگىلىكتى ءورت ءوشىرۋ تاراۋلارى ناق مايدانعا جەتكەندە قۇتقارۋعا مۇمكىندىك قالماي، جۇك اۆتوموبيلى مەن تيەلگەن جۇكتەر 3 ساعات بويى ورتەنگەن، وسى جولمەن جۇرگەن اۆتوكولىكتەر 4 كيلومەتر كەلەتىن جەرگە دەيىن توسىلعان.
كەلۋ قاينارى: حالىق تورابى