- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇكىمەت قىزمەتىنەن بايانداما
− 2014 - جىلى 16 - قاڭتاردا اۆتونوميالى رايوندىق 12 - كەزەكتى حالىق قۇرىلتايىنىڭ 2 - ماجىلىسىندە جاسالدى
اۆتونوميالى رايوننىڭ ءتوراعاسى نۇر باكىر
2014.01.23 16:01 كەلۋ قاينارى : ءتاڭىرتاۋ تورابى
ۋاكىلدەر:
مەن اۆتونوميالى رايوندىق حالىق ۇكىمەتى اتىنان، قۇرىلتايعا ۇكىمەت قىزمەتىنەن بايانداما جاسايمىن، قاراپ شىعۋلارىڭىزدى ءارى ساياسي كەڭەس مۇشەلەرىنىڭ، سونداي - اق سىرتتاي قاتىناسقانداردىڭ پىكىر بەرۋىن وتىنەمىن.
2013 - جىلعى قىزمەتتەرگە كوز جىبەرگەندە
بىلتىرعى جىل ەرەكشە ءبىر جىل بولدى. ءبىر جىلدان بەرى ءبىز پارتيا ورتالىق كوميتەتىنىڭ، مەملەكەتتىك كەڭەستىڭ شىنايى قامقورلىعى مەن اۆتونوميالى رايوندىق پارتكومنىڭ پارمەندى باسشىلىعىندا، پارتيا 18 - قۇرىلتايىنىڭ، پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ جانە ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات دايەكتى تياناقتاندىرىپ، ج ك پ اۆتونوميالى رايوندىق 8 - قۇرىلتايىنىڭ جانە ج ك پ اۆتونوميالى رايوندىق 8 - كەزەكتى كوميتەتى ءتورتىنشى جالپى (كەڭەيتىلگەن) ءماجىلىسىنىڭ ورنالاستىرۋىنا ساي، عىلمي دامۋ، ورنىقتىلىق بارىسىندا ىلگەرىلەۋگە، ىلگەرىلەۋ بارىسىندا وزگەرىس جاساۋعا ۇمتىلۋ نەگىزگى قىزمەت جەلىسىنە تاباندى بولىپ، ەكونوميكانى ورنىقتى ارتتىرۋعا، قۇرىلىمدى رەتتەۋگە، رەفورمانى جەبەۋگە، حالىق تۇرمىسىنا تيىمدىلىك جاساۋعا، زات باعاسىن تىزگىندەۋگە، ۇكىمەت فۋنكتسياسىنا بۇرىلىس جاساۋعا كۇش سالىپ، قىزمەت ستيلىن جاقسارتىپ، بۇكىل جەر شارى ەكونوميكاسىنىڭ كۇردەلى دە الماعايىپ كۇيگە ەنۋىنىڭ، ەل ەكونوميكاسىنىڭ قۇلدىراۋىنىڭ قىسىمى ارتا تۇسكەن جاعدايدا، كوكتەمدە يگى باستاما جاساۋ، ناقتى ءىس ىستەپ، تياناقتاندىرۋدى جەبەۋ ۇلاسپالى قيمىلدارى ارقىلى ءار ءتۇرلى حاۋىپ - قاتەر، سىن - سايىستارعا بايسالدىلىقپەن توتەپ بەرىپ، ەكونوميكا، مادەنيەت، قوعام، ەكولوگيالىق وركەنيەت قۇرىلىستارىنىڭ جاڭا جەتىستىكتەرىنە قول جەتكىزدىك. رايوندىق ءوندىرىستىڭ جالپى قۇنى 851 ميلليارد يۋانعا جەتىپ، %11.1 ارتاتىندىعى، الەۋمەتتىك قازىنالىق مەجە ەسەپ كىرىسىنىڭ 112 ميلليارد 800 ميلليون يۋانعا جەتىپ، %24.1 ارتاتىندىعى، تۇتاس قوعامدىق تۇراقتى مۇلىككە 814 ميلليارد 800 ميلليون يۋان قارجى قوسىلىپ، %30.2 ارتاتىندىعى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ 203 ميلليارد 900 ميلليون يۋانعا جەتىپ، %13.4 ارتاتىندىعى، سىرتقى يمپورت - ەكسپورت جالپى سوماسىنىڭ 27 ميلليارد 560 ميلليون دوللارعا جەتىپ، %9.5 ارتاتىندىعى، قالا - قالاشىق تۇرعىندارىنىڭ جان باسىندىق اقشالاي كىرىسىنىڭ 19 مىڭ 982 يۋاننان اينالىپ، %11.5 ارتاتىندىعى، شارۋالاردىڭ جان باسىندىق ورتاشا كىرىسىنىڭ 7394 يۋاننان اينالىپ، %15.6 ارتاتىندىعى مەجەلەندى. زات باعاسى نەگىزىنەن تۇراقتى بولدى، قىمباتتاۋ مولشەرى %3.9 بولدى. قالا - قالاشىقتاردا جاڭادان 460 مىڭ ادام كاسىپتەندىرىلدى. جىل باسىندا بەلگىلەنگەن نىسانا جاپپاي ورىندالىپ، نەگىزگى ەكونوميكالىق كورسەتكىشتەردىڭ ارتۋ جىلدامدىعى بۇكىل ەل بويىنشا الدىڭعى قاتارعا ءوتتى.
ءبىر جىلدان بەرى ءبىز اۆتونوميالى رايوندىق پارتكومنىڭ ورنالاستىرۋىن باتىل تياناقتاندىرىپ، رەفورما جاساۋعا، ەسىك اشۋعا تاباندى بولىپ، جاڭالىق اشا دامۋعا كۇش سالىپ، حالىق تۇرمىسىن اناعۇرلىم جاقسارتىپ، جاراسىمدى قوعام قۇرىلىسىن ىلگەرىلەتىپ، مىنا جاقتاعى قىزمەتتەردى كورنەكتى تۇردە يگەردىك.
1. ەكونوميكانى ورنىقتى ارتتىرۋدا، قۇرىلىمدى رەتتەۋدە جاڭا جەتىستىكتەرگە قول جەتكىزدىك
ونەركاسىپ دەڭگەيىنىڭ ءوسۋى ۇزدىكسىز تەزدەدى. ونەركاسىپتىڭ ارتۋ قۇنى 320 ميلليارد يۋانعا جەتىپ، %3 ارتتى. قالا - قالاشىقتاردا ونەركاسىپكە 375 ميلليارد 900 ميلليون يۋان قارجى قوسىلىپ، %25.8 ارتتى. تەحنيكالىق جاڭالىق اشۋ قابىلەتى ءوسىپ، ستراتەگيالىق جاڭا كاسىپتەردىڭ كولەمى كەڭەيدى. مۇنايعا جاتپايتىن ونەركاسىپ ەكونوميكالىق ارتۋدىڭ قوزعالتقىشىنا اينالدى، كولەمنەن جوعارى مۇنايعا جاتپايتىن ونەركاسىپتىڭ ارتۋ قۇنى 161 ميلليارد 691 ميلليون يۋانعا جەتىپ، %19.9 ارتىپ، %56تى ۇستادى. جابدىقتاۋ - جاساۋ كاسىبى، ءتۇستى مەتال ونەركاسىپ سياقتىلار %45تىڭ ۇستىندە ارتتى. كولەمنەن جوعارى باقشا رايوندارىنىڭ ونەركاسىپ ارتۋ قۇنى %22.5 ارتىپ، %34.1تى ۇستادى، باقشا رايوندارىنىڭ شوعىرلاندىرۋ اسەرى كۇشەيدى. ورتا، شاعىن، ۇساق ونەركاسىپ كاسىپورىندارىنىڭ ومىرشەڭدىك كۇشى كورنەكتى تۇردە ارتىپ، %80كە تاياۋ جۇمىس ورنىن ازىرلەپ، 450 مىڭ ادامنىڭ كاسىپتەنۋىنە دەم بەردى، ارتۋ قۇنى %24.6 ارتتى. بۇلتتىق ەسەپتەۋ كاسىپ باقشالارى ءساتتى ىلگەرىلەتىلىپ، ينفورماتسيالاندىرۋ مەن ونەركاسىپتەندىرۋ ۇزدىكسىز توعىسا تەرەڭدەتىلىپ، ينفورماتسيا كاسىپتەرىنىڭ ءداستۇرلى كاسىپتەردى جاڭالاۋ اياق الىسى تەزدەتىلدى. ەنەرگيا ۇنەمدەۋ، جاراقسىز زاتتاردىڭ شىعارىلۋىن ازايتۋ، ەنەرگيا قۇراۋىن ازايتۋدىڭ ءونىمى كورنەكتى بولدى. ارتىق ءوندىرىس قۋاتىن اۋىزدىقتاۋ ارەكەتى باتىل جۇرگىزىلدى.
ەگىن، مال شارۋاشىلىعىنىڭ وسىزاماندانۋى ورنىقتى ىلگەرىلەتىلدى. استىق ءونىمى ءۇرتىس ارتىپ، مول ءونىم الىنىپ، جالپى ءونىم مولشەرى 13 ميلليون 770 مىڭ تونناعا جەتىپ، %8.2 ارتتى، ماقتانىڭ جالپى ءونىمى 3 ميلليون 518 مىڭ تونناعا، ەرەكشە جەمىس ورماندارىنىڭ ءونىم مولشەرى 8 ميلليون تونناعا جەتتى. قوي ەتىن، سيىر ەتىن ءوندىرۋدى ءتۇيىن ەتكەن وسى زامانعى مال شارۋاشىلىعى جەدەل دامىدى، ساپالى ەرەكشە جەمىس ورمان شارۋاشىلىعىنىڭ دامۋ ساپاسى مەن ءونىمى ورنىقتى جوعارىلادى. ەگىنشى - مالشىلاردىڭ كاسىپتىك سەلبەستىك كووپەراتيۆتەرىن جەتىلدىرۋدى، دامىتۋدى ءتۇيىن ەتكەن جاڭاشا اۋىل شارۋاشىلىق تيجارات تۇلعالارى دامىتىلدى. سىرتقا شىعارۋدى ءتۇيىن ەتكەن اۋىل شارۋاشىلىق ونىمدەرىن سىرتقا ساتۋ تەكشە قۇرىلىسى ىلگەرىلەتىلىپ، اۋىل شارۋاشىلىق ونىمدەرى بازارى جۇيەسى كەمەلدەنە ءتۇستى. سۋ يگىلىگىن وزەك ەتكەن اۋىل شارۋاشىلىق نەگىزدىك قۇرىلعىلار قۇرىلىسىنىڭ سەرپىنى ۇزدىكسىز كۇشەيىپ، جوعارى ءونىمدى سۋ ۇنەمدەلەتىن ەگىستىك جەر اۋدانى تىڭنان 3 ميلليون 200 مىڭ مۋ ارتتى. شارۋالاردىڭ ەڭبەكاقىلىق كىرىسى ۇزدىكسىز مولايدى. شارۋالاردىڭ جان باسىندىق ورتاشا كىرىسى 1000 يۋان ارتتى.
قالا - قالاشىق جوبا جۇيەسى ۇزدىكسىز كەمەلدەندى. جاڭاشا قالا - قالاشىقتاندىرۋ ارەكەت جوسپارى ءتارتىپتى ىلگەرىلەتىلدى. ايماق، وبلىستار جۇيەسى، قالالار (اۋدان قالاشىعى) مەن قىستاق - قالاشىقتاردىڭ جوباسى جاپپاي جاسالىپ بولدى. ءۇرىمجى - سانجى قالا شەڭبەرى، وڭتۇستىك، سولتۇستىك شينجياڭدارداعى تەمىر جول بويىنداعى قالا - قالاشىقتاردى دامىتۋ بەلدەۋى، قاشقار، قورعاس، الاتاۋ ساعاسى جانە بەيتۇن سياقتى شەكارا بويىنداعى جاڭا گۇلدەنگەن قالالار، سونداي - اق كاسىپتەردى شوعىرلاندىرۋ قابىلەتى كۇشتى، كاسىپتەندىرۋ قابىلەتى كورنەكتى، مادەنيەت مايەگى قالىڭ، وڭىرلىك ەرەكشەلىگى ايقىن جاڭا قالا - قالاشىقتار شاپشاڭ دامىتىلدى. سۋ، ەلەكتر، جول، تابيعي گاز، جىلۋ، الەۋمەتتىك قاتىناس، حابارلاسۋ سياقتى قالا - قالاشىق نەگىزدىك قۇرىلعىلارى بىرتىندەپ كەمەلدەنىپ، سۋمەن قامداۋدىڭ جالپىلاسۋ سالىستىرماسى، لاس سۋدى ءبىر جايلى ەتۋ سالىستىرماسى، تۇرمىستىق لاس سۋدى زالالسىزداندىرىپ ءبىر جايلى ەتۋ سالىستىرماسى، سونداي - اق تابيعي گازدىڭ جالپىلاسۋ سالىستىرماسى كورنەكتى تۇردە جوعارىلادى. قورا - جاي كاسىبىنە 82 ميلليارد 600 ميلليون يۋان قارجى قوسىلىپ، %36.2 ارتتى. قالا - قالاشىقتاردىڭ جاسىلداندىرىلۋ، اسفالتتاندىرىلۋ، تازارتىلۋ، جارىقتاندىرىلۋ اياق الىسى ۇزدىكسىز تەزدەتىلدى. مەملەكەتتىڭ اقىلدىق قالا سىناق تۇيىندەرى ءتارتىپتى تۇردە ىلگەرىلەتىلدى. قالا - قالاشىقتانۋ سالىستىرماسى %44.5كە جەتتى.
نەگىزدىك قۇرىلعىلاردىڭ وسىزاماندانۋ ورەسى ۇزدىكسىز ءوستى. ءتۇيىندى نىساندارعا 3.6 ميلليارد 100 ميلليون يۋان قارجى قوسىلىپ، %35.4 ارتتى. سۋ بايلىعىن ساپالى ورنالاستىرۋ جۇيەسى، امبەباپ قاتىناس - تاسىمال جۇيەسى ۇزدىكسىز كەمەلدەندى. ەرەكشە جوعارى كەرنەۋلى تۇراقتى توكتى سىرتقا جەتكىزۋدىڭ 2 - ەلەكتر جەلىسى، شىعىس جوڭعار جىلىنا 30 ميلليارد تەكشە مەتر كومىر گاز ءوندىرىسى جانە شينجياڭ، گۋاڭدۇڭ، جىجياڭ گاز جەتكىزۋ قۇبىرى مەملەكەتتىڭ بەكىتۋىنەن ءوتتى. قاتىناس، سۋ يگىلىگى سياقتى ءتۇيىندى نىسانداردىڭ الدىڭعى مەرزىمدىك جۇمىسىندا ماڭىزدى ىلگەرىلەۋشىلىكتەر بولدى. ءۇرىمجى قالاسىنىڭ اينالما جولىن وزگەرتۋ، دارەجەسىن ءوسىرۋ سياقتى 25 ءتۇيىندى ينجەنەريانىڭ قۇرىلىسى باستالدى. لانجوۋ - شينجياڭ تەمىر جولىنىڭ 2 - قوس جەلىسى، اقسۋدان قاشقارعا دەيىنگى جوعارى قارقىندى تاس جول سياقتى سالىنىپ جاتقان 170 ءتۇيىندى نىساننىڭ قۇرىلىسى جەدەلدەتىلدى. تابيعي گازدى باتىستان شىعىسقا جەتكىزۋدىڭ شينجياڭ بولىگىندەگى 3 - جەلىسى، 5 جوعارى قارقىندى تاس جول، ەرەكشە جوعارى كەرنەۋلى تۇراقتى توكتى سىرتقا جەتكىزۋ 1 - جەلىسى، تارىم ويپاتىنىڭ جيەگىندەگى تابيعي گاز قۇبىرى تورى سياقتى ءىرى ينجەنەريالىق نىساندار ىركەس - تىركەس سالىندى. 429 كيلومەتر ۇزىندىقتا تەمىر جول جاڭادان سالىندى، 451 كيلومەتر ۇزىندىقتا جوعارى قارقىندى تاس جول جاڭادان سالىندى. 950 كيلومەتر ۇزىندىقتا 2 - دارەجەلى تاس جول سالىندى، ەلەكتر گەنەراتور اگراگاتتارىنىڭ سيىمدىلىعى جاڭادان 14 ميلليون 280 مىڭ كيلوۆات ارتتىرىلدى، 795 كيلومەتر ۇزىندىقتا 750 كيلوۆولتتىق جوعارى كەرنەۋلى ەلەكتر سىمى جاڭادان تارتىلدى.
3 - كاسىپ سالاسى ورنىقتى دامىدى. قالا - قالاشىقتاردا 3 - كاسىپ سالاسىنا 338 ميلليارد 700 ميلليون يۋان قارجى قوسىلىپ، %4.09 ارتتى. قوعامدىق تۇتىنۋ ونىمدەرىنىڭ بولشەك ساتىلۋ جالپى سوماسى ورنىقتى ارتتى. بازارداعى قامداۋ بارىنشا قامتاماسىز ەتىلىپ، باعانى رەتتەۋ - مەڭگەرۋ، باقىلاۋ - باسقارۋ كۇشەيتىلىپ، زات باعاسى نەگىزىنەن ورنىقتى بولدى. فينانستىڭ ەكونوميكانىڭ دامۋىن قولداۋ رولى كۇشەيدى، قاراشا ايىنىڭ اياعىندا فينانس قۇرىلىمدارىنىڭ ءتۇرلى قارىز اقشاسىنىڭ قالدىعى ءبىر تريلليون 40 ميلليارد يۋان بولىپ، %25.2 ارتتى، امانات اقشا مەن قارىز اقشا سالىستىرماسى %72.8 بولىپ، تۇڭعىش رەت بۇكىل ەلدىڭ ورتاشا ارتۋ ورەسىنەن استى. كاپيتال بازارى تىكەلەي 56 ميلليارد يۋان قارجى جينادى. جارنا ۇقىعىنا قارجى قوسقان 711 كاسىپورىن ناقتى ەكونوميكاعا 12 ميلليارد يۋان قارجى قوسىپ، باجىعا 3 ميلليارد 570 ميلليون يۋان ۇلەس قوستى. قامسىزداندىرۋ قورىنا تۇڭعىش رەت قارجى قوسىلدى. ساياحات كاسىبى ورنىقتى دامىدى، ساياحاتتان تۇسكەن شەتەل اقشاسى كىرىسى جانە ەل ءىشى ساياحاتىنداعى جالپى جۇمسالعان اقشا جەكە - جەكە %3. 6 جانە %17.6 ارتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
