بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

قىسقى بالىق اۋلاۋ مادەنيەت-ساياحات مەرەكەسى وتكىزىلدى

2014.01.26 14:44  



  «التاي گازەتىنىڭ» ءتىلشىسى قايروللا كومانتاي ۇلى حابارلايدى.

  «ءشول مەن كولدى توعىستىرعان بۋرىلتوعاي، بالىق باقىت سيلاسىن» تاقىرىبىنداعى بۋرىلتوعاي اۋدانىنىڭ 9 ـ كەزەكتى قىسقى بالىق اۋلاۋ ساياحات ـ مادەنيەت مەرەكەسى 18 ـ قاڭتاردا ۇلىڭگىر كولى بويىندا وتكىزىلدى.

  بۇل رەتكى مەرەكەنى بۋرىلتوعاي ساياحات اشۋ ورتالىعى ۇستىنە الىپ وتكىزىپ، تۇتاس ەل كولەمىنەن جينالعان 30 مىڭنان استام ساياحاتشى ۇلىڭگىر كولىنەن قىسقى بالىق اۋلاۋ مەرەكەسىن ناق مايداننان تاماشالاپ، تايقازانداعى بالىق سورپاسىنانءدام تاتىپ، ۇلىڭگىر كولىنىڭ قىسقى كەلبەتىن كوزدەن كەشىردى ءارى جەرلىك ەرەكشەلىككە يە مادەنيەتپەن تانىستى.

  جۇڭگو شينجياڭ بۋرىلتوعاي 9 ـ كەزەكتى ۇلىڭگىر كولى قىسقى بالىق اۋلاۋ مادەنيەت ـ ساياحات مەرەكەسى بالىق اۋلاۋ مادەنيەتى، قار ـ مۇز مادەنيەتى مەن قازاق حالقىنىڭ ءداستۇرلى مادەنيەتى ۇشتاستىرىلعان مازمۇنى باي، كولەمى كەڭ مەرەكەلىك قيمىل. قىسقى بالىق اۋلاۋ مەرەكەسى بۋرىلتوعاي اۋدانىنىڭ قىس ماۋسىمىندا وتكىزەتىن ماڭىزدى مەرەكەلەرىنىڭ بىرىنە اينالعان. قيمىلدىڭ باستالۋ سالتىندا قازاق ۇلتىنىڭ ءاسەم اندەرى ايتىلىپ،حالىق ءبيى «قاراجورعا» بيلەندى؛ قاسيەتتى الاۋ تۇتاندىرىلىپ، بالىقشىلار كولدەن ىرىزدىق تىلەدى. باستالۋ سالتىنان كەيىن، بالىقشىلار اۋ جيناپ، سول كۇنى اۋعا تۇسكەن ەڭ ۇلكەن بالىقتى باسەكەلەستىرىپ ساتۋ قيمىلى باستالدى. ەڭ ۇلكەن بالىقتى باسەكەلەستىرىپ ساتۋ قيمىلىنا 10 نەشە سەرىكتەستىكتىڭ ۋاكىلدەرى قاتىناسىپ، باسەكەلەستىرىپ ساتۋدىڭ كورىگىن قىزدىردى. بىرنەشە كەزەكتى باعا تالاسىنان كەيىن، شينجياڭ ءۇرىمجى قوس كوپىر مادەنيەت ـ ساياحات توبى ۇلىڭگىر كولى ساياحات اشۋ شەكتى سەرىكتەستىگى 298 مىڭ يۋاندىق جوعارى باعامەن ەڭ ۇلكەن بالىقتى ساتىپ الىپ، توڭىرەكتىڭ ءتورت بۇرشىنان كەلگەن ساياحاتشىلاردىڭ تاڭدايىن قاقتىردى.

  مەرەكەنىڭ قىزىعى مۇنىمەن عانا شەكتەلىپ قالعان جوق. ات شانا، ٴيت شانا، ۇلتتىق قولونەر بۇيىمدارى جارمەنكەسى، اۆتوكولىكپەن، موتوتسيكلمەن كول بەتىندە ونەر كورسەتۋ قاتارلى قيمىلدار دا قىزىققا جينالعان حالىقتىڭ قالاۋىنان شىقتى. ءۇرىمجى قالاسىنان كەلگەن ساياحاتشى جۇماعۇل تىلشىگە بىلاي دەدى: «بۇل رەتكى قىسقى بالىق اۋلاۋ مەرەكەسى ەرەكشە كوڭىلدى بولدى. اپتا سوڭىنداعى دەمالىس كۇنى بولعاندىقتان، دوستارىممەن بىرگە قىسقى بالىق اۋلاۋ مەرەكەسىنىڭ قىزىعىن كورگەلى كەلدىم. بالىق سورپاسىنان دا ءدام تاتتىق، تۋىس ـ تۋعان، دوس ـ جاراندارىمىزعا دا بۋرىلتوعاي بالىعى قاتارلى جەرلىك ونىمدەردەن سالەمدەمە الدىق. ەرەكشە قۋانىشتامىن».

  ۇعىسۋعا قاراعاندا، بۋرىلتوعاي اۋدانى شورتان، كوكسەركە قاتارلى سولتۇستىك مۇزدى مۇحيت سۋ جۇيەسىندە ءومىر سۇرەتىن بالىق تۇرلەرىن وندىرەتىن شينجياڭداعى ەڭ ۇلكەن بالىق شارۋاشىلىعى بازالارىنىڭ ءبىرى. جىلدىق ءونىمى 4500 تونناعا جەتەدى. قازىر بۇل اۋدان «جاتار ورىن، تاعامجاي، ساياحاتتاۋ، مالتاۋ، كوڭىل كوتەرۋ» قاتارلى قۇرىلىمدارى ءبىرتۇلعالانعان وندىرىستىك جۇيە قالىپتاستىردى.

  80 نەن استام بالىقشىلار ساياجايى، كۇندىك قوناق قابىلداۋ قابىلەتى 3000 ادامنان استان 30 دان استام قوناقجاي بار، بۇل قوناقجايلار مەن بالىقشىلار ساياجايى 2000 نان استام ەڭبەككۇشتى كاسىپتەندىرىپ وتىر. بۋرىلتوعاي اۋدانى ساياحات كاسىبىن حالىقتى اۋقاتتاندىراتىن كاسىپ رەتىندە مىقتى يگەرىپ، ساياحاتقا قىزمەت وتەۋ قۋاتىن جوعارىلاتىپ، ساياحاتشىلارعا ساپالى قىزمەت وتەۋ ارقىلى ساياحاتشىلاردى باۋراۋعا كۇش سالدى. سونىمەن بىرگە، بۋرىلتوعايعا كەلگەن ساياحاتشىلاردىڭ قازاق ۇلتىنىڭ ءان-ءبي ونەرىمەن ۇلتتىق قولونەر بۇيىمدارىمەن، ءداستۇرلى ۇلتتىق مادەنيەتىمەن تانىسۋىنا؛ ات ءمىنىپ، قايىققا وتىرۋىنا، جەرلىك ەرەكشەلىككەيە ءدامدى تاعامداردان ءدام تاتۋىنا تاماشا شارت ـ جاعداي جاراتتى.

  كەلۋ قاينارى: التاي اقپارات تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : نۇرعيسا قۇرمانجان ۇلى

 سۋرەت