گۋاڭدۇڭ ساقشىلارى دۇڭگۋان قالاسى ساۋىق – سايران ورتالىقتارىنداعى بادىك قيمىلداردى جەدەل ءبىرجاقتىلى ەتتى

2014.02.10 16:13   كەلۋ قاينارى : حالىق تورابى

　　ورتالىق تەلەۆيزيانىڭ بەرگەن حابارى. ءتىلشى ءبىر نەشە كۇننىڭ الدىندا دۇڭگۋانداعى كوپتەگەن قالاشىقتارعا جاسىرىن تۇردە تىلشىلىك جاساعان، وسى بارىستا كوپتەگەن ساۋىق – سايران ورتالىقتارىندا زاڭعا قايشى بادىك قيمىلداردىڭ بارلىعىن بايقاعان، اۋەلى دەسەڭىز كەيبىر «قالا ەسىم كارتۋچكاسى» بولعان ءتورت جۇلدىزدى، بەس جۇلدىزدى مەيمانحانالاردا وسىنداي بادىك قيمىلداردىڭ بارلىعىن بايقاعان، ءتىلشى بۇل جاعدايدى اشكەرلەگەننەن كەيىن، ەشقانداي ساقشى كەلىپ تەكسەرمەگەن، ساقشى جاقتان دا ەشقانداي اڭىس بولماعان.

　　بۇل جاعداي تۇبەگەيلى اشكەرلەنگەننەن كەيىن، 9 – اقپان تۇستەن كەيىن، دۇڭگۋان قالالىق ۇكىمەت شۇعىل جيىن اشىپ، ءبىر تۇتاس قالانى تەكسەرۋ قيمىلىنا كىرىسكەن. بادىك قيمىلمەن شۇعىلداناتىن 12 ساۋىق – سايران ورتالىعى جابىلىپ، جۇڭتاڭ قالاشىق اماندىق قورعاۋ مەكەمەسىنىڭ مەكەمە باستىعى مەن بادىك قيمىلمەن شۇعىلداناتىن مەيمانحانا ورنىنداعى ساقشى بولىمشەسىنىڭ باستىعى قىزمەتىنەن توقتاتىلىپ تەكسەرۋگە الىنعان.

　　دۇڭگۋان قالاسى 6525 ساقشى شىعارىپ، 9 – اقپان تۇستەن كەيىننەن باستاپ، دۇڭگۋان قالاسىنداعى بارلىق مونشاحانا، اياق جۋۋ دۇكەنى، ساۋىق – سايران ورتالىقتارىنا ءبىر تۇتاس تەكسەرۋ الىپ باردى، ءارى اشكەرلەنگەن بادىك قيمىلمەن شۇعىلداناتىن ساۋىق – سايران ورتالىقتارىنا تەكسەرۋ، ۇستاۋ قيمىلىن الىپ باردى. بۇل جولعى تەكسەرۋ كەشكى ساعات 10 عا دەيىن جالعاسىپ، 67 ادام ۇستالدى.

　　كەلۋ قاينارى: حالىق تورابى