شينجياڭنىڭ كەريا اۋدانىنداعى جەر سىلكىنىسى اپات تۋىلعان رايوندا بۇقارانىڭ كيەر كيىمى، ىشەر اسى، جاتار جەرى، ەمدەلەتىن شيپاگەرى بولۋعا شىنايى كەپىلدىك ەتىلدى

2014.02.14 14:29   كەلۋ قاينارى : حالىق تورابى

  كەريا اۋداندىق حالىق شيپاحاناسىنىڭ ەمدەۋ اترەتى اچاڭ اۋىلى پيشكاي قىستاعىندا اپاتقا ۇشىراعان بۇقارانىڭ دەنساۋلىعىن تەكسەرۋدە

　　حالىق تورابىنىڭ تىلشىلەرى داي لان، حۋ رىنبالار 13 – اقپاندا ۇرىمجىدەن حابارلايدى. 12 – اقپان ساعات 17 دەن 19 مينۋت وتكەندە، شينجياڭنىڭ حوتان ايماعى كەريا اۋدانىندا 3. 7 بال جەر سىلكىندى، بۇعان پارتيا ورتالىق كوميتەتى مەن بۇكىل ەل حالقى ايرىقشا نازار اۋداردى. قازىر، جەر – جەردىڭ اپاتتان قۇتقارۋعا جىبەرگەن زاتتىق بۇيىمدارى ىركەس – تىركەس اپات رايونىنا جەتكىزىلۋدە.

　　جەر سىلكىنىسى اپاتى ءبىرشاما اۋىر بولعان شەريا اۋدانى بوستان اۋىلىنىڭ پيشكاي، تاراۋىز، تيرمەنباسى، اچان قىستاقتارىندا، «اپاتتان قۇتقارۋ» دەگەن جازۋى بار كوك شاتىرلار تىگىلىپ، اپاتقا ۇشىراعان جۇرتشىلىق سول كۇنى تۇندە ۇكىمەتتىڭ دايىنداعان شاتىرلارى مەن مەكتەپتەرگە كوشىپ كىردى، بۇقاراعا اپاتتان قۇتقارۋ بۇيىمدارى تاراتىپ بەرىلدى.

　　جەر سىلكىنگەننەن كەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءولىم – ءجىتىم مەن حالىق بۇقاراسىنىڭ مال – مۇلكىنىڭ زيانعا ۇشىراۋىن مۇمكىندىكتىڭ بارىنشا ازايتۋ جونىندە نۇسقاۋ بەردى. اپات تۋىلعاننان كەيىنگى 20 مينۋت ىشىندە، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اپاتتان قۇتقارۋ قىزمەتى جونىندە ورنالاستىرۋ جاساپ،حالىق ىستەرىنىڭ اپاتتان قۇتقارۋعا باعىتتالعان توتەپ بەرۋدىڭ ءۇشىنشى دارەجەلى ازىرلىك جوباسىن دەرەۋ ىسكە قوسىپ، بۇقارانىڭ باس اماندىعىنا كەپىلدىك ەتۋدى ماڭداي الدى ورىنعا قويىپ، اپاتقا ۇشىراعان بۇقارانىڭ كيەر كيىمى، ىشەر اسى، ەمدەلەتىن شيپاگەرى، جاتار جەرى بولۋعا شىنايى كەپىلدىك ەتۋدى، قوسالقى اپات تۋىلۋىنىڭ الدىن الۋدى تالاپ ەتتى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى