اپتا ارقاۋى: قازاقستان قىسقى وليمپيادا جينالسىنىڭ سيلىق سوماسى

2014.02.14 15:14  

　　حالىقارالىق دەنە – تاربيە تىلشىلەر قوعامى تورابىنىڭ ساناعىنا قاراعاندا، قىسقى وليمپيادا جينالىسى اياقتالعاننان سوڭ، ءار قايسى مەملەكەتتەردىڭ مەدال العان، التىن مەدال العان ساڭلاقتارعا تاراتاتىن سيلىق سومالارى دا ءار تۇرلى بولعان. بۇل جاعىنان، قازاقستاننىڭ سيلىق سوما سانى باسقا مەملەكەتتەردەن الدە قايدا قوماقتى بولعان: قازاقستان التىن مەدال العان ساڭلاقتارعا جارىس اياقتالعاننان سوڭ، 250 مىڭ دوللار سيلىق اقشا بەرمەك.

　　تومەندە حالىقارالىق دەنە – تاربيە تىلشىلەر قوعامى تورابىنىڭ ساناق ناتيجەسى بويىنشا، ءار قايسى مەملەكەتتەردىڭ وليمپيادا كوميتەتىنىڭ مەدال العان ساڭلاقتارعا بەرەتىن ۇقساماعان سيلىق سومالارى:

　　1. قازاقستان

　　التىن مەدال: 250 مىڭ دوللار

　　كۇمىس مەدال: 150 مىڭ دوللار

　　قولا مەدال: 75 مىڭ دوللار

　　بۇل سيلىق سومادان سىرت، ءار قايسى مەملەكەتتەردە قىزىقتى ماراپاتتاۋ ادىستەرى بولعان، ماسەلەن وڭتۇستىك كورەيانىڭ ساڭلاقتارى قىسقى وليمپيادا جينالسىندا مەدالعا يە بولسا اسكەرگە بارۋ بورىشىن وتەمەۋىنە بولادى؛ مالايزيا ۇكىمەتى قۇنى 630 مىڭ دوللارىندىق التىن كەسەگىمەن سيلاپ، مالايزيانىڭ وليمپيادا جينالسىندا العان تۇڭعىش مەدالىن وسىلاي تويلاماق؛ گرەتسيا، سولتۇستىك كورەيا قاتارلى مەملەكەتتەر مەدال العان ساڭلاقتارعا ۇكىمەت قىزمەتىنەن ورىن بەرمەك؛ ءۇندىستاندا قارتتار كۇتىمى قاراجاتىن مولايتىپ ساڭلاقتاردىڭ مەدال الۋىنا مەدەت بەرمەك؛ بەلورۋسسيا مەدال العان ساڭلاقتارعا 100 مىڭ ا ق ش دوللارىن بەرۋدەن سىرت، سول مەملەكەتتەگى ەت زاۆودتىنان وسى ساڭلاقتارعا ءومىر بويى تەگىن شۇجىق بەرمەك؛ «ءسىرا پاتشاسى» اتالعان گەرمانيادا دا وسىنداي ساياساتتار بار بولىپ، اتالعان مەملەكەتتەگى مەدال العان ساڭلاقتارعا ءار اي سايىن 50 ليتر ءسىرانى تەگىن بەرمەك؛ اۆستراليا بارلىق مەدال العان ساڭلاقتارعا وزگەشە پوچتا ماركاسىن جاساتىپ، ەستەلىككە ۇسىنباق. بۇل ساناقتى جيناۋ بارىسىندا جۇڭگو قاتارلى ءبىر نەشە مەملەكەتتەر سيلىق سومالارىن مالىمدەمەگەن، ازەربايجان سياقتى بىر نەشە مەملەكەتتەر جارىس اياقتاعاننان سوڭ مالىمدەۋدى ءجون كورگەن.

　　كەلۋ قاينارى: حالىق تورابى