چىڭدۋلىق جىگىت باقشاداعى جولبارىستىڭ ۇيشىگىنە سەكىرىپ ءتۇستى

2014.02.17 13:57   كەلۋ قاينارى : حالىق تورابى

　　كەشە چىڭدۋ قالالىق حايۋاناتتار باقشاسىندا ۇرەيلى جاعداي تۋىلدى، باقىتقا جاراي، جاڭا عانا 16 كيلوگرام ەت جەپ تويىنىپ العان ەكى جولبارىس الدىلارىنا «توپ» ەتە تۇسكەن جىگىتتىڭ شىبىن جانىن امان قالدىردى.

　　چىڭدۋ قالالىق حايۋاناتتار باقشاسىنداعى اينەك قورعاننىڭ سىرتىندا بانگلادەش جولبارىسىن كورۋگە كەلگەن ساياحاتشىلار قايشالىسادى. كەشە عانا وسى ارادا كۇتپەگەن جاعداي تۋىلدى: جۇرەك جۇتقان جىگىت قورعاننان اسىپ ءتۇسىپ، جولبارىسپەن «ارباستى».

　　ىلە – شالا قىزىقتى جاعداي تۋىلدى. قورعاننان اسىپ تۇسكەن جىگىت قول – اياعىن سەرمەپ، جولبارىستىڭ داۋىسىنا سالىپ ايقايلادى، تاۋتان ودان سەسكەنىپ، داۋالدىڭ بۇرىشىنا قاشتى. تاعى ءبىر جولبارىس جىگىتكە قاراي اتىلىپ، ونى بىرنەشە مەتر جەرگە سۇيرەپ بارعاننان كەيىن ازۋىن بوساتتى. سول كەزدە حايۋاناتتار باقشاسىنىڭ قىزمەتكەرلەرى دە دەرەۋ جەتىپ، جولبارىسقا سۋ بۇركىپ، تەمىر تاياقپەن سەسكەندىرە تۇرىپ، جانسىزداندىرعىش مىلتىقپەن اتىپ، جىگىتتى جولبارىستىڭ اۋزىنان امان الىپ قالدى. بۇل ىستەن كەيىن ساقشىلار مەن شيپاگەرلەر بۇل جىگىتتەن جولبارىس ۇيشىگىنە سەكىرۋىنىڭ سەبەبىن سۇراعاندا، ول: جولبارىستىڭ بەيشارا حالىن كورىپ مۇسىركەپ كەتتىم دە، ۇيشىككە سەكىرىپ، ولاردى ءوز دەنەممەن ازىقتاندىرعىم كەلدى، - دەدى.

　　كەلۋ قاينارى: حالىق تورابى