بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

اپتا ارقاۋى: حالىق تورابى ناۋرىز مەرەكەسىنە ارنالعان شاعىن ويىندى عالامتورعا شىعاردى

2014.02.20 13:59  



  حالىق تورابى قازاقشا ارناسىنىڭ بەيجيڭنەن بەرگەن حابارى. ناۋرىز مەرەكەسى حالقىمىزدىڭ عاسىردان عاسىرعا جالعاسقان ءتول مەرەكەسى، قىس قىرىنان امان وتكەن قىرداعى حالىق «ەسكى جىل ەسىركە، جاڭا جىل جارىلقا» دەپ، جەتى دامنەن ناۋرىز كوجەسىن جاساپ، كورشى – كولەمدى، تۋىس – تۋعاندى شاقىرىپ مارە – سارە كۇيمەن مەرەكەنى تويلاۋدى داستۇرگە اينالدىرعان.

  «ءاز كەلمەي ءماز بولمايدى، ناۋرىز كەلمەي جاز بولمايدى» دەگەندەي، ناۋرىز قىس قىرىنان قىسىلعان قىر ەلىنىڭ جازعىتۇرىمعى جايماشۋاقتى اڭساپ جەتكەن كەزدە، جۇرەك تۇكپىرىنەن تابيعات اناعا العىس ايتىپ، كورشى – كولەمنىڭ حالىن ۇعىسىپ، ەسكى جىلعا قوش ايتىپ، جاڭا جىلدى شاتتانا قارسى الاتىن مەرەكەسى. بۇل كۇندەرى وسى ءبىر اتا ءداستۇر، ارداقتى مەرەكەمىز دالا مەن قالادا وزگەشە مەرەيمەن تويلانىپ، كونەنىڭ كوزى بولعان سارا سالتىمىز قاسيەتىن جوعالتپاي، التىنداي جارقىراپ، ۇرپاق ساناسىنا ورنىعىپ كەلەدى.

  وسىنداي ۇلاعاتتى مەرەكەمىزدى ءوز دەڭگەيىندە قارسى الىپ، قادىرى مەن قاسيەتىنە ءۇڭىلىپ، جىلدىڭ باسى رەتىندە تويلاۋدى ادەتكە اينالدىرۋ، «ناۋرىز مەرەكەسى» دەگەندە وزگە جۇرتتىڭ ەسىنە قازاق حالقى تۇسەتىندەي دەڭگەيگە كوتەرۋ ءبارىمىزدىڭ بورىشىمىز. وسى سەبەپتەرمەن حالىق تورابى ناۋرىز مەرەكەسىنە ارنالعان عالامتورلىق شاعىن ويىندى جاسادى.

  بۇل بەتكە ناۋرىز كوجەگە قاجەتتى جەتى ءدام جاسىرىلعان، ءسىز وسى جەتى ءدامدى تاۋىپ شىققاننان كەيىن، «كوجە جاساۋدى باستاڭىز» دەگەن ەسكەرتپەنى باسساڭىز، شارا تولى كوجە «الدىڭىزعا كەلەدى». ونان سوڭ، «كوجە ءىشىڭىز» دەگەن ەسكەرتپەنى باسساڭىز، ناۋرىزعا ارنالعان اقجارما تىلەگىمىزدى كورە الاسىز. وسى بەتتىڭ استىڭعى جاعىنداعى لەبىز جازۋ بەتىنە ناۋرىزعا دەگەن اق تىلەكتەرىڭىزدى جازۋىڭىزعا بولادى. بۇل بەتكە روزا رىمبايەۆانىڭ ورىنداۋىنداعى ناۋرىز ءانى كىرىستىرىلگەن.

  تىلەۋ قابىل بولسىن اعايىن!

  ويىن بەتىن مىنا ارادان كورىڭىز:http://kazakh.people.com.cn/306089/309451/index.html

  

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
جاۋاپتى رەداكتورى : مۇحيت امانتاي ۇلى

 سۋرەت