بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>وقۋ-اعارتۋ

انگليالىق ءمانساپتى شاڭحايعا كەلىپ، ماتەماتيكانى قالاي وقىتۋ جايلى تاجىريبە قابىلدادى

2014.02.26 13:12   كەلۋ قاينارى : حالىق تورابى



  25 – اقپان، وقۋشىلار دوسكادا ەسەپ شىعارعاندا، ترۋسە مىنبەگە شىعىپ، وقۋشىلاردىڭ ەسەپ شىعارۋ امالىنا ءساپ سالدى. شينحۋا اگەنتتىگىنىڭ ءتىلشىسى ليۋ ي فوتوسى

  ەكونوميكالىق سەلبەستىك جانە دامۋ ۇيىمىنىڭ 2012 – جىلى وتكىزگەن PISA سىناعىندا، شاڭحايلىق وقۋشىلاردىڭ ماتەماتيكا، جاتتىق وقۋ جانە عىلىم ساپاسى قاتارلى جاقتاردا 65 مەملەكەت (رايون) ىشىندە 1 – ورىندا تۇرعان، انگليالىق وقۋشىلاردىڭ ماتەماتيكا ناتيجەسى 26 – ورىنعا تابان تىرەگەن. شاڭحايدىڭ ماتەماتيكا وقىتۋى جاعىنداعى «تابىستى تاجىريبەسىن» ۇيرەنۋ ءۇشىن، انگليا وقۋ – اعارتۋ جانە بالالار ىستەرى مينيسترلىگىنىڭ ورىنباسار مينيسترى ليتز ترۋسە انگليانىڭ وقۋ – اعارتۋ ۋاكىلدەر ۇيىرمەسىن باستاپ، شاڭحايداعى ۇكىمەت قۇرعان ورتالاۋ - باستاۋىش مەكتەپتەردەن 3 مەكتەپكە ساپارلاي كەلدى.

  انگليا وقۋ – اعارتۋ ۋاكىلدەر ۇيىرمەسى ساپارىنىڭ تۇڭعىش بەكەتى رەتىندە شاڭحاي جيانپيڭ ورتا مەكتەبىنىڭ باتىس مەكتەپ رايونىن تاڭدادى. بۇل ارادا ۋاكىلدەر ۇيىرمەسى 6 – جىلدىقتىڭ ماتەماتيكا ساباعىن تىڭدادى. ساباق تىڭداۋ بارىسىندا ءتىل جاعىنان اۋدارمانىڭ كومەگى قاجەت بولسا دا، ورىنباسار مينيستر ترۋسە ساباقتى زەيىن قويا تىڭداپ، ارەدىكتە ۋاكىلدەر ۇيىرمەسىندەگى مەكتەپ باستىقتارىمەن جانە مۇعالىمدەرمەن باسەڭ داۋىسپەن پىكىرلەستى، وقۋشىلار ساباق ۇستىندە جاتتىعۋ ەسەپتەرىن شەشكەن كەزدە، ول مىنبەگە شىعىپ، وقۋشىلاردىڭ دوسكاعا ەسەپ شىعارۋ بارىسىنا زەر سالدى.

  ساباقتان تۇسكەننەن كەيىن ورىنباسار مينيستر ترۋسە مەن جيانپيڭ ورتا مەكتەبى باتىس مەكتەپ رايونىنىڭ باستىعى ۋ گولينمەن قىسقاشا اڭگىمەلەسكەن سوڭ، كەلەسى باستاۋىش مەكتەپ پەن ورتا مەكتەپكە بارۋعا جولعا شىعىپ، «تاجىريبە قابىلداۋ» ساپارىن جالعاستىردى.

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت