اپتا ارقاۋى: باس شۋجي شي جينپيڭ از ۇلتتاردىڭ ءتىل – جازۋىندا «تورعا شىعۋعا» كوڭىل ءبولدى

2014.03.07 15:36  

　　جۇڭگو كوممۋنيستىك پارتياسى اقپارات تورابىنىڭ 4 – ناۋرىزدا بەيجيڭنەن بەرگەن حابارى. «حالىق تورابى مەن شينحۋا تورابىنىڭ بارلىعىنىڭ از ۇلتتاردىڭ ءتىل – جازۋىنداعى نۇسقالارى بار ما؟» «بىرنەشە ۇلتتىڭ ءتىل - جازۋىنداعى نۇسقالارى تۇگەل بار ما؟» «ءار قايسى اۆتونوميالى رايونداردىڭ ۇكىمەتتىك توراپتارىنىڭ بارلىعىنىڭ از ۇلتتاردىڭ ءتىل – جازۋىنداعى نۇسقالارى بار ما؟» 4 – ناۋرىز تۇستەن كەيىن، باس شۋجي شي جينپيڭ مەملەكەتتىك ساياسي كەڭەس 12 – كەزەكتى 2 - ماجىلىسىنە قاتىناساتىن از ۇلت سالاسىنداعى مۇشەلەرمەن كەزدەسۋ بارىسىندا، مەملەكەتتىك ساياسي كەڭەس مۇشەسى، ورتالىق ۇلتتار ۋنيۆەرسيتەتىنىڭ پارتكوم شۋجيى ى يتاي از ۇلتتاردىڭ ءتىل – جازۋلارىنداعى عالامتور ىسىنە دەمەۋ پارمەنىن كۇشەيتۋ تۋرالى ۇسىنىس بىلدىرگەندە، باس شۋجي شي جينپيڭ شىن ىقىلاسپەن جوعارىداعىداي سۇراۋلاردى سۇرادى. باس شۋجيدىڭ از ۇلتتاردىڭ ءتىل – جازۋلارىنداعى «تورعا شىعۋ» ىسىنە كوڭىل ءبولۋى، پارتيا ورتالىق كوميتەتىنىڭ از ۇلتتار قىزمەتىنە وسكەلەڭ ءمان بەرەتىنىن تاعى ءبىر رەت تولىق ايگىلەدى.

　　پارتيا مەن مەملەكەت باسشىلارى تاريحتان بەرى از ۇلتتاردىڭ ءتىل - جازۋىنداعى توراپ بەتتەرىن قۇرۋ جۇمىسىنا ايىرىقشا كوڭىل ءبولىپ كەلدى، 2008 – جىلى 20 – ماۋسىمدا ج ك پ ورتالىق كوميتەتىنىڭ باس شۋجيى حۋ جينتاۋ جولداس حالىق گازەتىنىڭ قىزمەتىن كوزدەن كەشىرگەندە جانە حالىق تورابىنىڭ «ەلدى قۇدىرەتتەندىرۋ» مىنبەرىنە قوناق بولا بارعاندا، اتالعان توراپتىڭ بۇكىل ەلدەگى ءار ۇلت حالقىنىڭ تورابى ەكەندىگىن اتاپ كورسەتتى.

　　تاياۋ جىلداردان بەرى حالىق تورابى حالىق گازەتى رەداكسيا القاسىنىڭ باسشىلىعىندا، از ۇلتتاردىڭ ءتىل - جازۋىندا ينفورماتسيا تاراتۋ جۇيە قۇرىلىسىن كۇشەيتۋدى نەگىزگى مەديانىڭ ىقپالىن كۇشەيتۋدىڭ، قوعامدىق اڭىسقا جەتەكشىلىك قۋاتىن ارتتىرۋدىڭ ماڭىزدى مازمۇنى ەتىپ، جالپىلىق سيپاتتاعى از ۇلتتاردىڭ ءتىل - جازۋىنداعى توراپ بەتتەرىن بەلسەنە جارىققا شىعاردى. 2006 – جىلدان باستاپ حالىق تورابى از ۇلت ءتىل – جازۋ توراپ بەتتەرىن جاساپ، 2009 – جىلى ماۋسىم ايىنا دەيىن حالىق تورابىنىڭ موڭعۇل، تيبەت، ۇيعۇر، قازاق، چاۋشيان، يزۋ، جۋاڭزۋ قاتارلى جەتى از ۇلت ءتىل – جازۋىنداعى توراپ بەتى تولىق عالامتورعا شىعىپ، بۇكىل ەلدەگى توراپ بەكەتتەرىنىڭ ىشىندە العاش رەت پارتيا قۇرىلتايىنىڭ، حالىق قۇرىلتايىنىڭ جەتى نەگىزگى از ۇلت ءتىلىن تولىق قامتىعان توراپ بەكەتىنە اينالدى. سونىمەن قاتار، حالىق تورابىنىڭ تيبەت جازۋىنداعى قولفون گازەتى مەن ۇيعىر تىلىندەگى قول تەلەفون گازەتى بۇكىل ەلدە تاراتىلىپ، از ۇلت بۇقاراسى، وتە- موتە، از ۇلت جاس وقىرماندارى رەسمي ينفورماتسيالارعا يە بولاتىن ماڭىزدى ارناعا جانە تەكشەگە اينالدى.

　　حالىق تورابى از ۇلتتاردىڭ ءتىل – جازۋىنداعى توراپ بەتتەرى مەن قولفون گازەتتەرى ارقىلى ۇلتتىق رايوندارداعى وقىرماندارعا پارتيانىڭ نازارياسى مەن لۋشيان، باعىت، ساياساتتارىن دەركەزىندە جەتكىزىپ، پارتيانىڭ ۇلتتىق اۆتونوميا ءتۇزىمىن بارىنشا ۇگىتتەپ، ۇلتتىق رايونداردىڭ ەكونوميكالىق، قوعامدىق دامۋ جەتىستىكتەرىن جالپى بەتتىك حابارلاپ، از ۇلت بۇقاراسىنىڭ تۇرمىسىنداعى جاڭا وزگەرىستەردى تولىق ايگىلەپ، توراپتاعى جۇرتشىلىق پىكىرى كۇرەسىنە بەلسەنە ارالاسىپ، ەل ءىشى – سىرتىنداعى جۇڭحۋا پەرزەنتتەرىنىڭ يدەيالىق سۇيىسپەنشىلىگىن توعىستىرىپ، از ۇلت رايوندارى ەكونوميكاسىنىڭ دامۋى مەن قوعامىنىڭ ورنىقتىلىعىن جەبەۋ جونىنەن بەلسەندى ۇلەستەر قوسۋعا كۇش سالدى. از ۇلتتاردىڭ ءتىل – جازۋىنداعى تور بەتتەرىندە مازمۇنداردىڭ ۇزدىكسىز مولايۋىنا، فۋنكتسياسىنىڭ ۇزدىكسىز كەمەلدەنۋىنە بايلانىستى، اناعۇرلىم كوپ از ۇلت وقىرماندارى حالىق تورابىن ۇناتا باستادى. ەل ءىشى – سىرتىنداعى وقىرماندار از ۇلتتاردىڭ ءتىل - جازۋىندا سۋرەتتى، كەسكىندى حابارلارى ارقىلى وتاننىڭ از ۇلت رايوندارىنىڭ كوركەيىپ دامۋى مەن حالىقتىڭ تاماشا تۇرمىسىن دەركەزىندە، جان - جاقتىلى، تەرەڭ ۇعىنىپ وتىردى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى