اپتا ارقاۋى: كوركەم قاستا ناۋرىز

2014.03.07 15:36  

　　ءشارباتتى دالاسىنان شاراپاتتىڭ شاشۋى شاشىلىپ، ولكەسىندە وركەنيەت بۇر جارعان نىعىمەتتى مەكەن نىلقى اۋدانىندا ناۋرىزدىڭ 3-كۇنى، ىلە قازاق اۆتونوميالى وبىلىسى قۇرىلعاندىعىنىڭ 60 جىلدىعىنا ارنالعان، نىلقى اۋدانىنىڭ 27-كەزەكتى ناۋرىز مەرەكەسى ساۋىق كەشى كورەرمەندەرمەن جۇزدەستى. قيمىلعا اۋدانعا قاراستى اۋىل-قالاشىق، فەرمادان كەلگەن ءار سالا، ءاركاسىپتەگى مىڭعا جۋىق كورەرمەن قاتىناسىپ، جالپى بەتتىك جاراسىمدى قوعام قۇرۋ، ۇلىتتار ىنتىماعىن بەكەمدەپ، حالىق بۇقاراسىمەن ەتەنە بولۋ، قوعام ورنىقتىلعىن قورعاۋدى باستى تاقىرىپ ەتكەن باي مازمۇندى كونسەرتتى تاماشالادى.

　　كونسەرت «ناۋرىز شاتتىعى» اتتى توپتىق بيمەن باستالىپ، جەكە ءان، كۇي، تەرمە، تولعاۋ، تاقپاق سىندى كورەرمەن كوڭىلىن تاپقان ويىن نومىرلەرىمەن جالعاسىن تاۋىپ، نىلقى اۋدانىنىڭ ەكونوميكا-مادەنيەت ىستەرىنىڭ قارىشتاپ دامىعان، حالىق تۇرمىسىنىڭ كۇن سايىن جاقسارعان جاڭاشا بەت بەينەسىن ءار قىرىنان بەينەلەپ، ۇلىتتىق ءداستۇرىمىزدى ۇلاعاتتاپ، ءار ۇلىت حالقىن بەرەكەگە شاقىرىپ، بارشا جۇرتتى باياندى دامۋعا ۇندەدى.

　　سۋرەتتە: ناۋرىز كونسەرتىنەن كوز ايىم ساتتەر

　　كەلۋ قاينارى: حالىق تورابى