جاپونيانىڭ ماڭىنداعى تەڭىز الابىندا ەكى جۇك كەمەسى سوعىلىسىپ، جۇڭگولىق 9 ادام دەرەكسىز كەتتى

2014.03.18 13:55   كەلۋ قاينارى : حالىق تورابى

　　حالىق تورابىنىڭ 18 – ناۋرىزدا بەرگەن حابارى. جۇڭگونىڭ جاپونياداعى باس ەلشىلىگى تورابىنىڭ حابارلاۋىنشا، جەرگىلىكتى ۋاقىت 18 – ناۋرىز تاڭ ءسارى ساعات 3تەن 20 مينۋت وتكەندە (بەيجيڭ ۋاقىتى 2دەن 20 مينۋت) پاناماعا تاۋەلدى جۇك كەمەسى مەن كورەيا يەلىگىندەگى جۇك كەمەسى جاپونيانىڭ كاناگاۋا اۋدانى ميۋرا قالاسىنىڭ ماڭىنداعى شىعاناقتىڭ شىعىس وڭتۇستىگىنەن 8 كيلومەتر قاشىقتىقتاعى تەڭىز الابىندا سوعىلىسىقان. پاناما يەلىگىندەگى كەمە سۋعا باتقان، كەمەدە جۇڭگولىق 20 ادام بار.

　　حابارعا قاراعاندا، جاپونيا جاق قۇتقارۋ جۇمىستارىن قانات جايدىرعان، جۇڭگولىق 11 ادام قۇتقارىلعان، قالعان 9 ادامنان دەرەك جوق.

　　جۇڭگونىڭ جاپونيادا تۇراتىن باس ەلشىلىگى بۇل ىستەن حاباردار بولعاننان كەيىن شۇعىل شارالاردى ىسكە قوسىپ، جاپونيا جاقپەن تىعىز بايلانىس جاساپ، دەرەكسىز كەتكەندەردى كۇش سالا ىزدەستىرۋدى جانە قۇتقارىلعان كەمە قىزمەتكەرلەرىن ويداعىداي ورنالاستىرۋدى تالاپ ەتتى.

　　كونسۋلدىق قىزمەتكەرلەرى وقيعا تۋىلعان جەرگە اتتاندى.

　　كەلۋ قاينارى: حالىق تورابى