بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>حالىقارالىق حابارلار

مالايزيانىڭ زۇڭليى مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعى وڭتۇستىك يندى مۇحيتقا قۇلاعان دەپ جاريالادى

2014.03.25 13:34   كەلۋ قاينارى : حالىق تورابى



  تىلشىلەرىمىز يۇي جيڭحاۋ، لي نيڭدەر 24 - ناۋرىزدا كۋالا- لۋمپۋردان حابارلايدى. مالايزيانىڭ زۇڭليى ناگيب 24 - ناۋرىزدا جاڭا ساندى مالىمەتتەردە كورسەتىلۋىنشە مالايزيا اۆياتسيا سەرىكتىگىنىڭ MH370 – ءنومىرلى دەرەكسىز كەتكەن جولاۋشىلار ۇشاعى اۆستراليانىڭ پەرت قالاسىنىڭ باتىسىنداعى وڭتۇستىك يندى مۇحيتىنىڭ تەڭىز ايدىنىندا قۇلاعان دەپ جاريالادى.

  ناگيب سول كۇنى كەشتەگى اقپار جاريالاۋ جينالىسىندا بىلاي دەدى: انگليا اۋە شىرعالاڭىن تەكسەرۋ باسقارماسىنىڭ ۋاكىلى 24 - ناۋرىزدا ماعان مىنانى حابارلادى، حالىقارالىق تەڭىز ىستەرى جاساندى سەرىك ۇيىمى وسىدان ىلگەر وسى ۇيىم جيناعان ساندى مالىمەتتەرگە ىشكەرىلەي تالداۋ جاساعان. وسى ۇيىم ءبىر ءتۇرلى وسىعان ۇقساس تەكسەرۋ بارىسىندا بۇرىن قولدانىپ كورمەگەن تالداۋ جاساۋ ءادىسىن قولدانىپ، MH370 – ءنومىرلى جولاۋشىلار ۇشاعىنىڭ ۇشۋ لەنياسى جونىندە ىشكەرىلەي تۇسىنىككە يە بولعان. جاڭا تالداۋ ناتيجەسىنە قاراعاندا، انگليا اۋە شىرعالاڭىن تەكسەرۋ باسقارماسى مەن حالىقارالىق تەڭىز ىستەرى جاساندى سەرىك ۇيىمى MH370 – ءنومىرلى جولاۋشىلار ۇشاعى وڭتۇستىك كاريدوردى بويلاي ۇشىپ، «ەڭ سوڭىندا» پەرتتىڭ باتىسىنداعى يندى مۇحيتىنا بارعان دەپ قارادى.

  ناگيب بىلاي دەدى: «بۇل تەڭىز ايدىنى ءارقانداي قونۋ ورنىنان الىس. وسى سەبەپتى مەن سىزدەرگە مىناداي اسا قايعىلى دا وكىنىشتى حاباردى ايتقىم كەلەدى، وسى جاڭا ساندى مالىمەتگە نەگىزدەلگەن، MH370 – ءنومىرلى جولاۋشىلار ۇشاعى ەڭ سوڭىندا وڭتۇستىك يندى مۇحيتىندا جارىق دۇنيەمەن قوشتاسقان».

  ناگيب تاعى دا مالايزيا اۆياتسيا سەرىكتىگى بۇل حاباردى MH370 – ءنومىرلى جولاشىلار ۇشاعىنداعى جولاۋشىلارى مەن قىزمەتكەرلەردىڭ سەمياسىنداعىلارعا الدىن الا ۇقتىردى دەدى.

  ەستۋگە قاراعاندا، مالايزيا 25 - ناۋرىزدا تاعى ءبىر رەت اقپار جاريالاۋ جينالىسىن وتكىزىپ، اناعۇرلىم كوپ ناقتى ىستەردى جاريالاماقشى ەكەن.

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : مۇحيت امانتاي ۇلى

 سۋرەت