بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

جۇلدەلەتىپ وڭشەڭ جۇيىرىك تۇلپاردى، قوسارالعا ناۋرىزدا نۇر تامدى

كوكتوعاي اۋداندىق راديو-تەلەۆيزيا مەكەمەسى، كوكتوعاي اۋداندىق مال شارۋاشىلىق، مال شيپاگەرلىك مەكەمەسى

 مۇقامادي ءشارىپ ۇلى، باقىتقان اسەت ۇلى

2014.03.25 14:52   كەلۋ قاينارى : حالىق تورابى



  ناۋرىز-بار تىرشىلىك جاندانىپ، سامارقاننىڭ كوك تاسى ەرىگەن، كۇن مەن ءتۇن تەڭەلگەن قاسيەتتى كۇن، ناۋرىز مەرەكەسىندە مۇسىلمان حالقى ءبيداي، قاتىق سياقتى جەتى ءتۇرلى دامنەن ناۋرىز كوجەسىن جاساپ، تۋىس-تۋعان، كورشى قولاڭداردىڭ ۇيىنە ايتشىلاپ، ۇلىس وڭ بولسىن، اق مول بولسىن ايتىپ، ايدان امان، جىلدان ەسەن شىعۋىنا تىلەكتەستىك ءبىلدىرەدى.

  ءدال وسىنداي مۇسىلمان حالقىنىڭ داستۇرلى مەرەكەسى 22-ناۋرىز قويناۋىنا قۇت ۇيىعان كيەلى مەكەن كوكتوعاي اۋدانى تۇرعىن اۋىلىنىڭ قوسارال قىستاعىندا كوپ كوڭىلىنەن شىققان ءاز ناۋرىزدى قارسى الۋ قيمىلى بولىپ ءوتتى. «توي دەسە قۋ باستا دومالايدى» دەگەندەي، استىلارىنا وڭشەڭ سايگۇلىك ءمىنىپ، قولدارىنا اشكوز قىران ۇستاعان ساياتشىلارمەن شاشاسىنا شاڭ جۇقپاعان جۇيىرىكتەرىن جەتەلەگەن جەل تۇياق باپكەرلەر، اۋىلداعى اقساقالدى قاريالارمەن اق شىلاۋىشتى انالاردان بالالارعا دەيىن اسىقساڭ جاقسىلىققا اسىق دەگەندەي، قوسارالدا وتەتىن كوركەمونەر، سپورت، ءتۇرلى ات ويىنى قيمىلدارىنا قاتىناسۋعا ساي - سالادان قۇيىلىپ، ءبىر اراعا باس قوستى، ناۋرىز كوجەسىنە دۋالى اۋىز اۋىل اقساقالدارى باتا بەرىپ، كوپكە ىزگى تىلەك تىلەدى. ەلىمىزدە جالپى بەتتىك قانات جايدىرىلىپ وتىرعان جۇڭگو ارمانىن جۇزەگە اسىرىپ، باياشاتتى قوعام قۇرۋ، حالىق بۇقاراسىنىڭ رۋحاني قاجەتىن قاناعاتتاندىرۋ، ءتۇرلى ۇلىتتىق دەنە-تاربيە قيمىلدارىن وتكىزۋ ارقىلى نەگىزگى ساتىداعى ەگىنشى-مالشى قاۋىمنىڭ ۇلىتتىق بەيزاتتىق مۇرالاردى قورعاۋ سانا-سەزىمىن وياتۋ، ساپالى مال تۇقىمىن جالپىلاستىرىپ، حالىقتىڭ ەكونوميكالىق كىرىس قاينارىن جوعارلاتىپ، ات باپتاداي اتا داستۇرىمىزدى جالعاستىرىپ، جۇلدەلى تۇلپار تۇقىمىن جەتىلدىرۋدى ماقسات ەتكەن بۇل قيمىلدى وتكەن جىلى ءبىر توپ قولى اشىق، كوكىرەگى وياۋ اۋىل ازاماتتارى ۇيىمداستىرعان.

  قيمىل كۇنى ۇلىڭگىر وزەننىڭ ەكى جاعالاۋىنا قونىستانعان ەگىنشى-مالشىلار، كورشى اۋىل-قالاشىق، اۋدانداردان كەلگەن ونەر سۇيەر قاۋىم جەتى ءتۇرلى دامنەن جاسالعان ناۋرىز كوجەسىنەن ءدام تاتىپ، اۋداندىق كوركەمونەر ۇيىرمەسىنىڭ ارتيستەرى مەن اۋىل ونەرپازدارى دايارلاعان كوڭىلدى كونسەرت نومەرلەرىن تاماشالادى. وسى رەتكى ۇلىتتىق دەنە-تاربيە قيمىلىندا جورعا، قىزقۋار، قۇنان بايگە، كوك لاق، ساياتشىلىق، ۇلىتتىق قولونەر بۇيىمدار باسەكەسى، پالۋان جارىسى، بۇقا تارتىس، قامشىگەرلىك، ءان، كۇي، تەرمە قاتارلى جارىستار وتكىزىلىپ، قالىڭ ەگىنشى-مالشى قاۋىمىنىڭ ءوندىرىستىڭ سايابىر كەزىندەگى مادەني تۇرمىسىن بايتىپ، كوڭىلىن ءبىر كوتەرىپ تاستادى.

  ءتۇرلى سپورت، كوركەمونەر، ساياتىشلىق ونەرىن تاماشالاۋعا كەلگەندەر وسى رەتكى قيمىلدىڭ ۇيىمداسىتىرىلۋى مەن وتكىزىلۋىنە بارەكەلدى ايتىسىپ، تاراستى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 
جاۋاپتى رەداكتورى : مۇحيت امانتاي ۇلى

 سۋرەت