بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>مادەنيەت

اقسايدا ءاز ناۋرىز تويلاندى

2014.03.25 15:17   كەلۋ قاينارى : حالىق تورابى



  گانسۋ ولكەسى اقساي قازاق اۆتونوميالى اۋدانى جۋىردا ۇلتتىق سالت – ءداستۇر باقشاسىندا ەل ءىشى – سىرتىنان كەلگەن ونەرپازدار قاتىناسقان «شادىمان اقساي» اتىنداعى 2014 – جىلعى ناۋرىزعا ارنالعان مەرەكەلىك قيمىلدى وتكىزدى. بۇل رەتكى قيمىل ءۇش ءتۇرلى مازمۇندى قامتىدى: ەڭ الدىمەن، كەلگەن مەيماندار شاڭحاي الەمدىك گەننيس رەكوردىنا ەنگەن تايقازاندا جاسالعان ناۋرىز كوجە مەن ءسۇرى ەتتەن ءدام اۋىز تيدى؛ ونان سوڭ، اقساي قازاق اۆتونوميالى اۋداندىق ءان – ءبي ۇيىرمەسى مەن قازاقستاننان، شينجياڭنان كەلگەن ونەرپازدار ويىن قويدى، ويىن – ساۋىقتى شينجياڭ تەلەۆيزياسىنىڭ جۇرگىزۋشىسى گۇلسارا تاتان قىزى جۇرگىزدى، ويىن – ساۋىق نومىرلەرى كۇندىز جانە كەش ەكى كەزەككە ءبولىنىپ قويىلدى؛ ەڭ سوڭىندا، قازاقستاندىق كۇش اتاسى جامالين ديقان ۇلتتىق سالت – ءداستۇر باقشاسىندا تىسىمەن اۆتوكولىك سۇيرەۋ، كەڭىردەگىمەن اۆتوكولىك يتەرۋ، وتكىر چەداۋدىڭ ءدۇزىن باسىپ ساتىعا شىعۋ، تىسىمەن گىر تاسىن كوتەرۋ قاتارلى تارتىمدى ويىن نومىرلەرىن قويدى.

  شينجياڭ تەلەۆيزياسىنىڭ رەجيسسەرى مۇحامەت اۋباكىر، جۇرگىزۋشىسى قايرات دومالين قاتارلىلار قيمىل بارىسىن ەكرانعا ءتۇسىردى، اقساي اۋداندىق پارتكومنىڭ ورىنباسار شۋجيى، اۋدان اكىمى باعدات مۇرات ۇلىنىڭ جوسپارلاۋىمەن جۇزەگە اسقان 90 مينۋتتىق كونسەرت 2014 – جىلى 30 – ناۋرىز كۇنى ساعات 17دە شينجياڭ تەلەۆيزياسىنىڭ 3 – ارناسىنان بەرىلەدى.

  ءبىز بۇل رەتكى قيمىلعا كەلىپ قاتىناسقان قايرات قۇلمۇقامەت ۇلى، قۇرمانبەك ءالىمعازى ۇلى، ريزا قايىرباي قىزى، ەرعالي نۇرزادا ۇلى، اقىل سادىكەن ۇلى، جامالين ديقان قاتارلى ەل ءىشى – سىرتىنان كەلگەن ايگىلى ونەرپازدارعا راحىمەتىمىزدى بىلدىرەمىز.

  سۋرەتتەردى ءتۇسىرىپ، حابار ماقالاسىن جازعان ماقان قاپاس ۇلى (اقساي اۋداندىق پارتكوم ۇگىت ءبولىمى)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 
جاۋاپتى رەداكتورى : نۇرعيسا قۇرمانجان ۇلى

 سۋرەت