بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

بۋىرشىندا ۇلىستىڭ ۇلى كۇنى تويلاندى

2014.03.26 14:13  



  قىتىمىر قىستىڭ قاھارى قايتىپ، تامىلجىعان مامىراجاي كوكتەمنىڭ سامالى ەسكەن، التىن كۇن كۇللى الەمدى شۇلەن شۇعىلاسىنا شومدىرىپ، جۇمىر جەر بۋسانعان، بارشا تىرشىلىك ۇيقىسىنان ويانىپ، سامارقاننىڭ كوك تاسى جىبىگەن ءاز ناۋرىزدا 22-ناۋرىز كۇنى بۋىرشىن اۋدانىندا «كۇي مەكەنىندە ناۋرىز» اتتى ناۋرىز تويى بولىپ ءوتتى.

  بۇل رەتكى قيمىلدى بۋىرشىن اۋداندىق پارتكوم مەن حالىق ۇكىمەتىنىڭ قولداۋىندا، اۋداندىق قازىنا مەكەمەسى باس بولىپ ۇيىمداستىرىپ وتكىزىپ، اۋدانىمىزداعى ءبىر ءبولىم قارت كادرلاردى، اۋىل اقساقالدارىن ءبىر ورىندا باس قوستىرىپ، كوپ كوجە ءىشىپ، مەرەكەنى تويلادى.

  قيمىل باستالاردان بۇرىن بۋىرشىن اۋدانىنىڭ ورىنباسار سەكراتارى، اۋدان اكىمى مۇقيات نۇرمۇقامبەت ۇلى ناۋرىزعا ارناۋ ءسوزىن سويلەپ، اۋدانىمىزدىڭ وتكەن ءبىر جىلداعى ماڭىزدى جەتىستىكتەرى مەن وسى ءبىر جاڭا جىلداعى ءتۇيىندى قىزمەت نىسانالارى تۋرالى شولۋ جاساپ، اۋدانىمىزداعى ءار ۇلت حالقىن بەرەكە-بىرلىكپەن ىنتىماقتاسا وتىرىپ، كوركەم، تىنىش بۋىرشىن قۇرىپ، جۇڭگو ارمانىن بىرلىكتە ورىنداۋعا قۇلشىنىس جاساۋعا ۇندەدى. ناۋرىز تويى اق سامايلى اجەلەردىڭ اق شاشۋىمەن باستالىپ، ارى قاراي اۋداندىق ويىن-ساۋىق ۇيىرمەسىنىڭ ارتيستەرى مەن بۇقارالىق ونەرپازداردىڭ دايىنداعان كونسەرت نومىرلەرىمەن جالعاسىم تاۋىپ، توي قىزىعى كورەرمەننىڭ كوڭىل تورىنەن جول تاۋىپ جاتتى. اسىرەسە بەس جاستاعى بال ءتىلدى بالدىرعان ءانشى ىنجۋ ەربولات قىزىنىڭ ورىنداعان«سۇيىكتى اتا-انام » ءانى كورەرمەن كوڭىلىن سەرپىلتىپ، جاڭا جىلدىڭ شاتتىعىنا شومدىرسا، قۋانتاي سەرىك ۇلى ۇلتىمىزدا كەنجە قالىپ بارا جاتقان ونەردىڭ ءبىرى كوز بايلاۋ ونەرىن كورسەتىپ، جۇرتتى ەرىكسىز تاڭداي قاقتىردى.

  كونسەرت ارەدىگىندە ءبيشى ارتيستەر كوەرەرمەندەردى قاراجورعا بيىنە تارتىپ، بىرلىكتە ءبي بيلەپ ناۋرىز دۋمانىنىڭ مارەسىنە ءمان قوستى .

  كەلۋ قاينارى: التاي اقپارات تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت