شاۋەشەكتە قازاقستاننىڭ تاۋار كورمەسى وتكىزىلدى

2014.03.28 14:11   كەلۋ قاينارى : حالىق تورابى

　　«جۇڭگو مەن قازاقستان جىبەك جولى ەكونوميكالىق بەلدەۋىن بىرلىكتە قۇرادى» اتىنداعى ويىن – ساۋىق قيمىلى جانە تاۋار كورمەسىنىڭ اشىلۋ سالتى.

　　«جۇڭگو مەن قازاقستان جىبەك جولى ەكونوميكالىق بەلدەۋىن بىرلىكتە قۇرادى» اتىنداعى ويىن – ساۋىق قيمىلى مەن تاۋار كورمەسى 27 – ناۋرىزدا شاۋەشەك قالاسىندا وتكىزىلدى. قيمىل بارىسىندا قازاقستاننىڭ شىعىس قازاقستان وبلىستىق ۋاكىلدەر ۇيىرمەسى شاۋەشەك قالاسىندا ويىن – ساۋىق نومىرلەرىن قويدى ءارى قازاقستاننىڭ اۋىل شارۋاشىلىق ونىمدەرى، قولونەر بۇيىمدارى كورمەسى قاتارلى قيمىلداردى وتكىزدى.

　　ۇعىسۋعا قاراعاندا، شىعىس قازاقستان وبلىستىق ۋاكىلدەر ۇيىرمەسىن اتالعان وبلىستىڭ ورىنباسار وبلىس باستىعى نۇربەك ءادىلقازى ۇلى باستاپ كەلگەن، ۇيىرمە ءۇرجار، جارما، تارباعاتاي، اياگوز، زىريان قاتارلى بەس اۋداننىڭ نەگىزگى باسشىلارى مەن شىعىس قازاقستان وبلىسىنداعى كاسىپكەرلەر، ونەرپازدار قاتارلى 200 ادامنان ۇيىمداسقان.

　　قيمىل بارىسىندا قازاقستاننىڭ شىعىس قازاقستان وبلىستىق ۋاكىلدەر ۇيىرمەسى تىككەن 5 كيىز ۇيدەگى ءدامدى تاعامدار جۇرت نازارىن بىردەن اۋداردى. ۇعىسۋعا قاراعاندا، بۇل 5 كيىز ءۇيى وسى جولى شاۋەشەككە ۋاكىلدەر ۇيىرمەسىن جىبەرگەن شىعىس قازاقستان وبلىسىنىڭ 5 اۋدانىنا ۋاكىلدىك ەتەدى، كيىز ۇيلەرگە دە ءار اۋداننىڭ وزىندىك ەرەكشەلىككە يە تاعامدارى مەن اۋىل شارۋاشىلىق ونىمدەرى قويىلعان ءارى بۇل ونىمدەردىڭ بارلىعى دا سول 5 اۋداننىڭ وزىنەن شاۋەشەككە تىكە جەتكىزىلگەن. كيىز ۇيلەر ىشىندە ءتۇرلى تاعامداردىڭ، بالكۇلشەلەردىڭ، ءسۇت جانە ەت ونىمدەرىنىڭ تىزىلگەنىن كورگەندە ءتىلشىنىڭ سىلەكەيى شۇبىردى.

　　كەلۋ قاينارى: حالىق تورابى