اپتا ارقاۋى: ءماسىموۆ قازاقستان زۇڭليى لاۋازىمىنا تاعايىندالدى

2014.04.04 14:22  

　　قازاقستان زۇڭتۇڭى نۇرسۇلتان نازاربايەۆ 2 – ناۋرىزدا زۇڭتۇڭ جارلىعىنا قول قويىپ، زۇڭتۇڭ كەڭسەسىنىڭ مەڭگەرۋشىسى ءماسىموۆتى جاڭا كەزەكتى زۇڭلي لاۋازىمىنا تاعايىندادى، سول كۇنى سەرىك احىمەتوۆ زۇڭليلىق لاۋازىمىنان بوسادى.

　　احىمەتوۆ سول كۇنگى ۇكىمەت ماجىلىسىندە قىزمەتتەن بوساۋدى ءوزىنىڭ ءوتىنىش ەتكەنىن ءارى زۇڭتۇڭنىڭ بۇعان قوسىلعانىن جاريالادى. نازاربايەۆ ىلە – شالا پارلامەنتكە ءماسىموۆتى جاڭا كەزەكتى زۇڭليلىق لاۋازىمعا كورسەتتى.

　　نازاربايەۆ جاڭا ەكونوميكالىق جاعدايدا قازاقستاننىڭ كومەسكى ەكونوميكالىق قۋاتىن اناعۇرلىم ساۋلەلەندىرۋ، قازاقستان ەكونوميكاسىنا ءتيىمسىز ىقپال جاسايتىن فاكتورلاردى ءسوزسىز ارىلتۋ كەرەكتىگىن اتاپ كورسەتتى. ول جاڭا كەزەكتى ۇكىمەتتەن قازاقستان ەكونوميكاسى ءدۇپ كەلگەن ماسەلەلەردى شەشۋگە ءونىمدى شارالار قولدانۋدى تالاپ ەتتى.

　　ءماسىموۆ 2007 – جىلى قاڭتاردان 2012 – جىلى قىركۇيەككە دەيىن قازاقستان زۇڭليى مىندەتىن اتقارعان. 2012 – جىلى قىركۇيەكتە احىمەتوۆ ونىڭ ورنىن باسىپ، ءماسىموۆ زۇڭتۇڭ كەڭسەسىنىڭ مەڭگەرۋشىسى مىندەتىنە تاعايىندالعان. بيىل قاڭتار ايىنان بەرى ءماسىموۆ قازاقستاننىڭ ۋاقىتتىق مەملەكەت ىستەرى حاتشىسى مىندەتىن قوسىمشا اتقارعان. شينحۋا اگەنتتىگى، 2 – ءساۋىر، الماتى

　　كەلۋ قاينارى: حالىق تورابى