جۇڭگونىڭ 4 ىزدەۋشى كەمەسى يندى مۇحيتىنىڭ وڭتۇستىگىندەگى ىزدەۋ – انىقتاۋ جۇمىسىنا قاتىناستى

2014.04.08 14:35   كەلۋ قاينارى : حالىق تورابى

　　7 – ساۋىردە تەڭىز ارمياسىنىڭ جيڭگاڭشان اتتى اسكەري كەمەسى جۇردەك كەمە شىعارىپ ىزدەۋ قىزمەتىن ورىستەتتى.اۆستراليا جاقتىڭ حابارلاندىرۋى مەن ءبىر تۇتاس ورنالاستىرۋى بويىنشا، تەڭىز ارمياسىنىڭ جيڭگاڭشان، كۇنلۇنشان اتتى ەكى اسكەري كەمەسى 7 – ساۋىردە «تەڭىز شارلاۋشى 1 - ءنومىرلى» جانە «دۇڭحاي تەڭىزى قۇتقارۋشى 101 - ءنومىرلى» كەمەلەرمەن بىرلەسىپ، يندى مۇحيتىنىڭ وڭتۇستىگىندە مالايزيانىڭ دەرەكسىز كەتكەن جولاۋشىلار ۇشاعىن ىزدەۋ جۇمىسىن ورىستەتتى. جاڭا كەزەكتى ىزدەۋ جۇمىسى اۆستراليانىڭ باتىسىنان 600 نەشە تەڭىز ميلى قاشىقتىقتاعى تەڭىز ايدىنىندا جۇرگىزىلدى. جيڭگاڭشان، كۇنلۇنشان اتتى اسكەري كەمەلەر تەڭىزدەگى ىزدەۋ قىزمەتىن تاۋلىك بويى توقتاۋسىز جۇرگىزۋمەن بىرگە، قاتىستى جابدىقتار تيەلگەن 4 جۇردەك كەمە شىعارىپ، سەلبەسىپ ىزدەۋ، شاقپاقشا بولەكتەرگە ءبولىپ نىسانالى تۇردە انىقتاۋ، ىزدەۋ كولەمىن بىرتىندەپ كەڭەيتۋ سياقتى تاسىلدەرمەن ىزدەۋ قىزمەتىن جالعاستىردى ءارى كۇماندى زات بايقالدى دەپ جاريالانعان وڭتۇستىك ەندىك 25 گرادۋس، شىعىس بويلىق 101 گرادۋس ماڭايىندا انىقتاۋ جۇرگىزدى، ىزدەۋ قىزمەتىنەن قازىرشە ەشتەڭە بايقالمادى. شينحۋا اگەنتتىگىنىڭ ءتىلشىسى باي رۇيشۋە فوتوسى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى