ا ق ش رەسەي ۋكراينادا دۇربەلەڭ تۋدىردى دەپ جازعىردى، رەسەي بۇل ا ق ش - تىڭ پالەنى باسقاعا اۋدارۋى دەدى

2014.04.09 13:51   كەلۋ قاينارى : حالىق تورابى

　　جەرگىلىكتى ۋاقىت بويىنشا 8 - ساۋىردە ۋكراينانىڭ كيەۆ قالاسىندا ۋكراينا ەركىن پارتياسىنىڭ پارلامەنت مۇشەلەرى مەن كومپارتيا پارلامەنت مۇشەلەرى پارلامەنت جينالىسىندا قىزىل شەكە بولىپ توبەلەستى.

　　شينحۋا تورابىنىڭ ءتىلشىسى جوۋ ىرجيە، ىي ايجۇندەردىڭ 8 - ساۋىردە ۆاشينگتوننان بەرگەن حابارى. ا ق ش - تىڭ مەملەكەت حاتشىسى كەرري 8 - ساۋىردە رەسەيدىڭ قۇپيا قىزمەتكەرلەرىنىڭ ۋكراينانىڭ شىعىس بولەگىندە دۇربەلەڭ تۋدىرعانىن جازعىردى، سونداي-اق رەسەي وسى ۋاقيعانى ۋكرايناعا تاعى دا اسكەري كيلىگۋدىڭ سىلتاۋى ەتۋى مۇمكىن دەدى.

　　

　　كەرري سول كۇنى كەڭەس پالاتاسى سىرتقى ىستەر كوميسسياسىنىڭ دالەلدەۋ جينالىسىندا بىلاي دەدى: رەسەي قۇپيا قىزمەتكەرلەرىنشەكارادان ۋكراينانىڭ شىعىس بولەگىنە وتكىزىپ، جوسپارلى تۇردە بىلىقپالىق تۋدىرۋدا، بۇل ۋكراينانىڭ ورنىقتىلىعىن بۇلدىرەتىن «زاڭسىز» باستاما.

　　كەرري تاعى دا بىلاي دەدى: ا ق ش رەسەيدىڭ اشىقتان اشىق ۋكراينانىڭ شىعىس بولەگىندەگى بولشەكتەۋ ارەكەتىنە قاتىناسۋىنان «قاتتى الاڭداپ وتىر»، ءدال قىرىم جاعدايىنىڭ وزگەرگەنىندەي، رەسەي بىلىقپالىقتان پايدالانىپ، ونى ۋكرايناعا تاعى دا اسكەري كيلىگۋدىڭ سىلتاۋى ەتۋى مۇمكىن.

　　كەرري سونىمەن بىرگە رەسەيدەن رەسەي - ۋكراينا شەكاراسىنداعى اسكەرىن شەگىندىرۋدى، سونداي - اق ءوزىنىڭ ۋكراينانىڭ شىعىس بولەگىندەگى بولشەكتەۋشىلەرىمەن قاتىسىنىڭ جوق ەكەندىگىن اشىق جاريالاۋىن تالاپ ەتتى. ول تاعى دا بىلاي دەپ ەسكەرتۋ بەردى: ەگەر رەسەي ۋكراينانىڭ ورنىقتىلىعىن جالعاستى بۇلدىرسە، ا ق ش پەن ەۆروپا وداعى رەسەيدى جازالاۋ تەبىنىن كۇشەيتۋگە، جۇيەدەن ونىڭ ەنەرگيا، بانكە جانە كەن ونىمدەرى سياقتى ماڭىزدى كاسىپتەرىنە سوققى بەرۋگە تولىق ازىرلەنىپ بولدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى