كەشە تۇستەن بۇرىن ساعات 9، كۇن بۇلتتى، يۇيبەي رايونى مۋىر قالاشىعى شالانيا بەكەتىنىڭ قاسىنداعى جاتاعان بەتتە بويىنىڭ بيىكتىگى 1.61 مەتر كەلەتىن جىگىت جوعارعى دەنەسىن جالاڭاشتاپ تارازىنىڭ ۇستىنە تۇردى، 4 جۇمىسكەر ومارتا ساندىقتارىن سىلكىپ قالعاندا، قاپتاعان ارا جىگتتىڭ جالاڭاش دەنەسىنە ەنتەلەي جونەلدى. تارازىدا تۇرعان جىگىتتىڭ ەسىمى يۇي پيڭ، سىچۋان ولكەسى سۇينيڭ قالاسىنىڭ ادامى، بيىل 34 جاستا، ەكى جىلدىڭ الدىندا تاعى وسىلاي ونەر كورسەتكەن بولاتىن. كەشە ول ەكى جىلدىڭ الدىنداعى ءوزىنىڭ رەكوردىن جاڭالاپ، 460 مىڭ ارانى دەنەسىنە جينادى.
كەلۋ قاينارى: حالىق تورابى