بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

ا ق ش – تا تولىق ورتا وقۋشىسى مەكتەپ اۋلاسىندا پىشاق ۇستاپ 20 نەشە ادامدى جارالادى

2014.04.10 13:48   كەلۋ قاينارى : حالىق تورابى



  حالىق تورابى، 9 – ءساۋىر، سان – فرانسيسكو. جەرگىلىكتى ۋاقىت 9 – ساۋىردە ا ق ش پيتتسبۋرگ قالاسىنداعى ءبىر تولىق ورتا مەكتەپتە وقۋشىنىڭ پىشاق ۇستاپ ادام جارالاۋى سىندى ءىس تۋىلىپ، كەمىندە 20 ادام جارالاندى، ساقشى جاق قىلمىس كۇماندىسىن قولعا الدى.

  ا ق ش مەملەكەتتىك راديو سەرىكتىگىنىڭ حابارلاۋىنشا، ا ق ش – تىڭ شىعىس بولەگىندەگى پيتتسبۋرگ قالاى فرانكلين رايونىنداعى تولىق ورتا مەكتەپتە 9 – ءساۋىر تۇستەن بۇرىن ساعات 7دەن 13 مينۋت اينالاسىندا ءبىر وقۋشى پىشاق ۇستاپ 20 نەشە ادامدى جارالاعان، مۇنىڭ ىشىندە 4 ادامنىڭ جاراقاتى سالماقتى.

  اتالعان مەكتەپتىڭ شۇعىل جاعدايلارعا جاۋاپتى بايانداماشىسى دان ستەفننىڭ ايتۋىنشا، جارالانعانداردىڭ اراسىندا 14 جاستاعى وقۋشى دا، 60 جاستاعى وقىتۋ قىزمەتكەرى دە بار، الايدا كوبى 17 جاستان تومەنگى وقۋشىلار. شىرعالاڭ تۋىلعاننان كەيىن، جاراقاتى سالماقتى زياندالۋشىلار تىك ۇشاقپەن جەرگىلىكتى ورىنداعى شيپاحاناعا جەتكىزىلدى.

  حابارعا قاراعاندا قىلمىس كۇماندىسى اتالعان مەكتەپتىڭ تولىق ورتا ءبىرىنشى جىلدىعىندا وقيتىن 16 جاستاعى ۇل وقۋشى، دەلو تۋدىرۋ بارىسىندا ول قولىنا ەكى پىشاق ۇستاپ عىلىم – تەحنيكا عيماراتىنىڭ ىشىندە كوپ ادامدى جارالاعاننان كەيىن بۇل ىستەن حاباردار بولىپ جەدەل جەتكەن مەكتەپتىڭ اماندىق قورعاۋشىلارى ونى باعىندىرعان. قىلمىس كۇماندىسىن ساقشى جاق قاماۋعا الدى، قىلمىس وتكىزۋ سەبەبى تەكسەرىلۋ ۇستىندە.

  وقيعا تۋىلعاننان كەيىن فرانكيلن رايونىنداعى جوعارى مەكتەپ وزىنە قاراستى وقىتۋ رايونىنداعى بارلىق باستاۋىش مەكتەپتەردە وقىتۋ قىزمەتىن توقتاتتى، ورتالاۋ مەن تولىق ورتانىڭ وقىتۋ قىزمەتى ىقپالعا ۇشىرامادى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 
جاۋاپتى رەداكتورى : نۇرعيسا قۇرمانجان ۇلى

 سۋرەت