بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

لي كىچياڭ بو – اۋ ازيا تالقى مىنبەرىنىڭ 2014 – جىلعى جىلدىق ءماجىلىسىنىڭ اشىلۋ سالتىنا قاتىناستى جانە تاقىرىپتىق لەكسيا جاسادى

2014.04.11 17:20  



  تىلشىلەرىمىز ۋ يۋەجۇن، چىن ۋىيگۋاڭ، جاڭ نيانشىڭدار 10 – ساۋىردە حاينان ولكەسىنىڭ بو – اۋ قالاسىنان حابارلايدى. مەملەكەتتىك كەڭەستىڭ زۇڭليى لي كىچياڭ 10 – ءساۋىر تۇستەن بۇرىن بو – اۋ ازيا تالقى مىنبەرىنىڭ 2014 – جىلعى جىلدىق ماجىلىسىنە قاتىناستى جانە «ازيانىڭ دامۋ بولاشاعىن بىرلىكتە جاراتايىق» دەگەن تاقىرىپتا لەكسيا جاسادى. ازيا مەن افريكاداعى 52 ەلدىڭ ساياسي، ساۋدا – ونەركاسىپ سالاسىنداعى قايراتكەرلەرى مەن ماماندارى، وقىمىستىلارى ءماجىلىستىڭ اشىلۋ سالتىنا قاتىناستى.

  لي كىچياڭ لەكسياسىندا مىنالاردى باسا دارىپتەدى: قازىرگى دۇنيەدە تەرەڭ وزگەرىستەر تۋىلۋدا، بۇكىل جەر شارى ەكونوميكاسىنىڭ جاندانۋ اياق الىسى ءالى دە وتە باياۋ. ازيا ەڭ جاندى رايونداردىڭ ءبىرى ءارى دامۋدىڭ شەشۋشى كەزەڭىندە تۇر، ازياداعى ەلدەردىڭ كوبى دامۋ ۇستىندەگى ەلدەر، ەكونوميكانى دامىتۋ، حالىق تۇرمىسىن جاقسارتۋ مىندەتى ءالى دە توتەنشە اۋىر.

  لي كىچياڭ تىڭ جاعدايدا ازيانى دامىتۋعا قاجەتتى قوزعاۋشى كۇشتى قالاي تاسقىنداتۋ جونىندە مىناداي ءۇش ءتۇرلى كوزقاراسىن ورتاعا قويدى:

  ءبىرىنشى، بىرگە دامۋ سىندى جالپى بەتالىسقا تاباندى بولىپ، ازيامەن مۇددەلەس ورتاق تۇلعا قۇرۋ. ازيا ەلدەرىجالعاستى تار جول، تايعاق كەشۋلەردەن بىرگە ءوتىپ، كوز الداعى قيىنشىلىقتاردى بىرگە جەڭىپ، ەكونوميكانىڭ ءوزارا تولىقتىرعىشتىق قاسيەتىن دامۋدىڭ ءوزارا جاردەم كۇشىنە اينالدىرىپ، مۇددە جاعىنداعى بايلانىستى ۇزدىكسىز كەڭەيتۋ كەرەك. ەكىنشى، توعىسپالى داميتىن قۇرىلىم ورناتىپ، ازيانىڭ تاعدىرلاس ورتاق تۇلعاسىن قالىپتاستىرىپ، نەگىزدىك قۇرىلعىلار جاعىنداعى ءوزارا بايلانىس پەن اۋىس - كۇيىستى ىلگەرىلەتىپ، شارۋاشىلىق جاعىنداعى ىشكەرىلەي سەلبەستىكتى جەبەپ، ابزالدىلىقتارىمەن ءبىرىن - ءبىرى تولىقتاۋ كەرەك. ءۇشىنشى، بەيبىت دامۋ سىندى جالپى اۋقىمدى قورعاپ، ازيانىڭ جاۋاپكەرلىك جاعىنداعى ورتاق تۇلعاسىن قالىپتاستىرىپ، ازيانىڭ وڭىرلىك حاۋىپسىزدىك جانە سەلبەستىك جۇلگەسىن قالىپتاستىرۋ جولىندا بەلسەنە ىزدەنىستەر جاساۋ كەرەك.

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 
جاۋاپتى رەداكتورى : نۇرعيسا قۇرمانجان ۇلى

 سۋرەت