وڭتۇستىك كورەيانىڭ 450دەن استام جولاۋشى وتىرعان كەمەسى سۋعا باتىپ بارادى

قازىرگە دەيىن 190 ادام قۇتقارىلدى

2014.04.16 11:08   كەلۋ قاينارى : حالىق تورابى

　　حالىق تورابى، 16 – ءساۋىر. وڭتۇستىك كورەيانىڭ موكپو تەڭىز – مۇحيت ساقشى مەكەمەسىنىڭ 16 – ساۋىردە مالىمدەۋىنشە، جەرگىلىكتى ۋاقىت بويىنشا سول كۇنى (16 – ءساۋىر) ساعات 9 اينالاسىندا، 450دەن استام ادام وتىرعىزىپ، ينچوننان جەجۋ ارالىنا بارا جاتقان «داۋرەن» اتتى جولاۋشىلا كەمەسى جوللانام - دو ولكەسى چيدو – گۇن ايماعى كۋانمايە ارالىنىڭ سولتۇستىگىنەن 20 كيلومەتر قاشىقتىقتاعى تەڭىز ايدىنىنان كومەك تىلەۋ مالىمەتىن جولداعان. ۇعىسۋعا قاراعاندا، مالىمەتتە كەمەنىڭ سۋعا باتىپ بارا جاتقانى ايتىلعان. وڭتۇستىك كورەيا بىرلەسپە اقپارات اگەنتتىگى وسىلاي حابارلادى.

　　ۇعىسۋعا قاراعاندا، اتالعان كەمەدە 471 جولاۋشى بار. بۇلاردىڭ ىشىندە 300 ادام وقۋشى – وقىتۋشىلار بولىپ، ءبارى دە بەلگىلى تولىق ورتا مەكتەپ 2 – جىلدىعىنىڭ وقىتۋشى – وقۋشىلارى، ولار وسى جولى پراكتيكادان كەيىنگى ساياحاتتا جۇرگەن بولاتىن. كەمەگە سۋ كىرگەندىكتەن، سول جاقتاۋىنا قاراي 90 گرادۋس قيسايعان، قازىر كەمە شوگۋ ۇستىندە.

　　وڭتۇستىك كورەيا ۇكىمەتى تەڭىز ساقشى مەكەمەسىن ءىس تۋىلعان تەڭىز ايدىنىنا جۇردەك كەمەدەن بىرەۋىن، جۇردەك قايىقتان التاۋىن جانە ءبىر تىك ۇشاقتى جىبەرۋگە بۇيىردى، قازىرگە دەيىن 190 جولاۋشى قۇتقارىلدى.

　　وڭتۇستىك كورەيا بىرلەسپە اگەنتتىگىنىڭ تاعى ءبىر حابارىنا قاراعاندا، وڭتۇستىك كورەيا زۇڭتۇڭى پياۋ جينحۇي سۋعا باتقان جولاۋشىلار كەمەسىن كۇش سالا قۇتقارۋعا نۇسقاۋ جولداعان.

　　كەلۋ قاينارى: حالىق تورابى