ورىكتى ساي، گۇل تولى قويناۋىڭنىڭ كورىكتىسى-اي

2014.04.16 16:17   كەلۋ قاينارى : ورتالىق حالىق راديو ستانسياسى تورابى

　　گۇليا قاسىمقان قىزى حابارلايدى. اۆتونوميالى رايوندىق ساياحات مەكەمەسىنىڭ تىكەلەي جەتەكشىلىگىندە وتكىزىلگەن نارات ساحارا مادەنيەتى ساياحات مەرەكەسىنىڭ ەرتە كوكتەم مەزگىلىندەگى جەلىلەس قيمىلى «ورىك گۇلى اشىلىپ، جۇرت شاتتانىپ كۇلگەندە، باس قوسالىق جيىلىپ قۇتتى مەكەن تۇرگەندە» تاقىرىبىنداعى ساياحات مەرەكەسى ءساۋىر ايىنىڭ 12-كۇنى كۇنەس اۋدانى تۇرگەن اۋىلى ورىكتى ساي كورىنىس رايونىندا سالتاناتپەن باستالدى.

　　تۇرگەن اۋىلىنىڭ ورىكتى ساي تابيعي كورىنىس رايونى كۇنەس اۋدانىنىڭ شىعىس سولتۇستىگىندەگى 32 كيلومەتر كەلەتىن ءتاڭىرتاۋ باۋرايىنا ورنالاسقان كوركەم مەكەن. كورىنىس رايونىنىڭ جالپى اۋماعى 30 مىڭ مۋدان اسادى. ءساۋىر ايى كەلىسىمەن شۇرايلى اۋماق اپپاق ورىك گۇلىنە ورانىپ، ءتىلسىم تابيعاتتىڭ ءتىل جەتكىسىز كوركەم كورىنىسىن قالىپتاستىرادى. ءار جىلدىڭ وسى مەزگىلىندە ءبىر اپتا عانا اشىلاتىن ورىك گۇلى تاماشا رومانتيكالىق ورتا قالىپتاستىرىپ، ادامدارعا ەستەتيكالىق ءلاززات باعىشتايدى.

　　كۇنەس اۋدانى نارات كورىنىس رايونىنىڭ ساياحاتتاعى ايگىلى ماركاسىنىڭ داڭقىن اسىرۋ ءۇشىن جاقىنعى جىلداردان بەرى ماۋسىمدىق ساياحات ءتۇرىن بەلگىلەپ، ەرتە كوكتەمدەگى ورىك گۇلى مەرەكەسىن جولعا قويعان بولاتىن. وسىدان بۇرىن ءۇش كەزەكتى ورىك گۇلى ساياحات مەرەكەسى وتكەن، ال بيىل ءتورتىنشى كەزەكتى ورىك گۇلى مەرەكەسىنىڭ سالتاناتىن اسىرۋ ءۇشىن، اۆتونوميالى رايوندىق ساياحات مەكەمەسىنىڭ قولداپ قۋاتتاۋىندا، رايونىمىزدىڭ ءىشى-سىرتىنان ساياحاتشى قابىلداپ، جابايى ورىك مەكەنىنىڭ اتىن الىس-جاقىنعا ايگىلەدى. مەرەكە كەزىندە گۇل كۇنەستىڭ ەرتە كوكتەمدەگى كوركەم تابيعاتىن كورسەتۋمەن بىرگە، قازاق ۇلتىنىڭ سالت-ءداستۇرى بولعان قۇسبەگىلىك، اڭشىلىق، اقىندار ايتىسى، بالۋان سالۋ سياقتى قازاق ۇلتىنىڭ ۇلتتىق بوياۋى قانىق ويىن-قيمىلدارىن وتكىزىپ، مەرەكەنىڭ سالتاناتىن اسىردى. جانە وسى ءبىر ءساتتى ورايدان پايدالانىپ، قازاق ۇلتىنىڭ ءدامدى تاعامدارىن ساۋدالاۋ، ات مايلاۋ سياقتى جۇمىستارمەن اينالىسىپ كىرىس كوزدەرىن تاپتى.

　　ۇلتتىق كيىم مايلاپ كۇندىگىن مىڭ يۋاننان ايلاندىرىپ جاتقان ءدينارا ءالىمعازى قىزى بىلاي دەيدى: «مىنا ورىك گۇلى اشىلعالى 4 كۇن بولدى، ءبىز كەلگەلى دە 4 كۇن بولدى، يۇننان ساياحات مەكتەبىن بىتىرگەمىز، وزىمىز دە قازاق مادەنيەتىن جالپىعا تانىتۋمەن شۇعىلدانىپ ءجۇرمىز، قازىر نارات قازاق مادەنيەتى الاۋ كەشىن جۇرگىزەمىز، الىستان كەلگەن ساياحاتشىلارعا نەگىزىنەن قازاق ۇلتىنىڭ ۇلتتىق كيىمدەرىن مايلايمىز سۋرەتكە تارتامىز. كىرىسىمىز جامان ەمەس كۇندىگىمىز مىڭ يۋاننىڭ ۇستىندە».

　　ات مايلايتىن ازاماتىمىز باقىتباي جانادىل ۇلى: وسى ورىك گۇلى اشىلعاننان بەرى شىعىپ ات مايلاپ، كىرىسىمىزدى تاۋىپ جاتىرمىزى تاڭەرتەڭ شىعامىز، كەشكە تۇسەمىز، كۇندىگىمىز 500 يۋاننان اينالىپ جاتىر، بۇل جاقسى وراي بولدى. ءبىر جاعى قيىنشىلىعىمىز شەشىلىپ كىرىسمىز ارتتى»، -دەيدى. ۇعىسۋىمىزشا، بۇل رەتكى 3 كۇنگە جالعاسقان مەرەكەگە كەلگەن ادام 80 مىڭنان، تۇسكەن قارجى 5 ميلليون يۋاننان استى.

　　كۇنەس اۋداندىق راديو-تەلەۆيزيا مەكەمەسى