وڭتۇستىك كورەيانىڭ سۋعا باتقان كەمەسىندە قازىرگە دەيىن 6 ادام قازا بولدى

2014.04.17 14:17   كەلۋ قاينارى : حالىق تورابى

　　حالىق تورابى، 17 – ءساۋىر، چيدو. وڭتۇستىك كورەيانىڭ 400دەن استام ادام وتىرعان «SEWOL» اتتى كەمەسى 16 - ساۋىردە جوللانا –دو ولكەسى چيندو – گۇن ايماعى بيوڭفۇڭدو ارالىنىڭ سولتۇستىگىنەن 20 كيلومەتر كەلەتىن جەردەگى تەڭىز ايدىندا سۋعا باتىپ كەتتى، دەرەكسىز كەتكەندەردىڭ ءۇي ىشىندەگىلەرى ۇيقىسىز تاڭ اتىردى، 17 – ءساۋىر تاڭ سارىدە قۇتقارۋ كەمەلەرى كەمەجايعا تاياپ، قۇتقارۋ قىزمەتىن باقىلاۋعا قاتىناسقان كەمەدەگىلەردىڭ تۋىس – تۋعاندارىنان ءبىر توبىن جاعاعا جەتكىزىپ، تاعى ءبىر توبىن كەمەگە وتىرعىزىپ اكەتتى. جاعاعا كەلگەن كەمە وسى ارالىقتا قۇتقارىلعانداردىڭ جوق ەكەنىن جەتكىزدى، دەرەكسىز كەتكەندەردىڭ كەيبىرەۋىنىڭ تۋىس – تۋعاندارى كوڭىل – كۇيلەرىنە يە بولا الماي، «بالامىزدى تاۋىپ اكەلىڭدەر!» دەپ جىلاپ جىبەردى.

　　وڭتۇستىك كورەيا بىرلەسپە اقپارات اگەنتتىگىنىڭ حابارلاۋىنشا، قازىرگە دەيىن كەمەدەگىلەردەن 6 ادامنىڭ قازا بولعانى تۇراقتاندىرىلىپ، 179 ادام قۇتقارىلعان، 290 ادامنىڭ ءولى – ءتىرىسى ءالى بەلگىسىز. قۇتقارۋ قىزمەتى ءالى جالعاسۋدا.

　　وڭتۇستىك كورەيا تەڭىز – مۇحيت، سۋ ونىمدەرىن زەرتتەۋ مەكەمەسىنىڭ ايتۋىنشا، وقيعا تۋىلعان كەزدە سول وڭىردەگى سۋ تەمپەراتۋراسى 12.6 سەلسي گرادۋس بولىپ، تىرشىلىكتى ساقتاۋ ۋاقىتى 2 ساعات. دەرەكسىز كەتكەندەردىڭ جان ساقتاپ قالۋ شارت – جاعدايى مۇشكىل.

　　كەلۋ قاينارى: حالىق تورابى