بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

«ءجۇز جىلدىق جالعىزدىقتىڭ» اۆتورى گارسيا ماركەس ومىردەن وزدى

2014.04.18 13:38   كەلۋ قاينارى : حالىق تورابى



  17 – ءساۋىر، كولۋمبيالىق ايگىلى جازۋشى، 1982 – جىلى نوبەل ادەبيەت سيلىعىنىڭ يەگەرى گارسيا ماركەس مەكسيكانىڭ استاناسى مەكسيكا قالاسىندا كوز جۇمدى. بۇل ونىڭ 1989 – جىلى 15 – ساۋىردە كۋبانىڭ استاناسى حاۋانادا تۇسكەن سۋرەتى. شينحۋا اگەنتتىگى

  شينحۋا تورابى، 17 – ءساۋىر، مەكسيكا قالاسى. كولۋمبيانىڭ ايگىلى جازۋشىسى، 1982 – جىلعى نوبەل ادەبيەت سيلىعىنىڭ يەگەرى گارسيا ماركەس 17 – ءساۋىر كۇنى تۇستەن كەيىن مەكسيكانىڭ استاناسى مەكسيكا قالاسىندا اۋرۋ سەبەبىنەن 87 جاسىندا قازا بولدى.

  كولۋمبيا زۇڭتۇڭى مانۋەل سانتوس سول كۇنى ميكروبلوگىندا بىلاي دەپ جازدى: ماركەس تاريحتاعى ەڭ ۇلى كولۋمبيالىق، ۇلى ادامنىڭ ەسىمى ماڭگى جاسايدى.

  مەكسيكا زۇڭتۇڭى پەنيا نيەتو سول كۇنى مەملەكەت اتىنان وسىزامانعى ەڭ ۇزدىك جازۋشىنىڭ قازاسىنا ازا بىلدىرەتىنىن مالىمدەدى، ول ماركەس لاتىن امەريكاسىنىڭ قيالشىل رەاليزم ادەبيەت اعىمىن الەمگە تانىتتى دەپ قارايدى.

  الدىڭعى ايدىڭ 31 – جۇلدىزىندا ماركەس وكپە راگى جانە باسقا اۋرۋلار سەبەبىنەن ەمحاناعا جاتىپ، وسى ايدىڭ 8 – جۇلدىزىندا ۇيىنە قايتىپ، قاراپايىم ەمدەۋدى قابىلداپ جاتقان بولاتىن. وسى دۇيسەنبى كۇنى ونىڭ دەنساۋلىعى ناشارلاي ءتۇستى.

  ماركەس 1927 – جىلى 6 – ناۋرىزدا كولۋمبيادا تۋىلعان، 1961 – جىلى مەكسيكاعا كوشىپ بارىپ ادەبيەتپەن، اقپارات جانە كينو قىزمەتىمەن شۇعىلدانعان. ماركەس قيالشىل رەاليزم اعىمىنىڭ ۋاكىلى، 1982 – جىلى نوبەل ادەبيەت سيلىعىن العان. ونىڭ ۋاكىلدىك شىعارمالارىنان «ءجۇز جىلدىق جالعىزدىق» قاتارلىلار بار. دۇنيە ءجۇزى بويىنشا ەرەكشە وتىمگە يە بولعان «ءجۇز جىلدىق جالعىزدىق» رومانى ماركەستىڭ ەڭ كەڭ تارالعان شىعارماسى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 
جاۋاپتى رەداكتورى : نۇرعيسا قۇرمانجان ۇلى

 سۋرەت