لي كىچياڭ: دامۋ ـــ ماڭداي الدى مىندەت دەگەنگە تاباندى بولىپ، ەكونوميكا مەن قوعامنىڭ ءۇرتىس، اقاۋسىز دامۋىن جەبەۋ كەرەك

2014.04.18 15:16  

　　شينحۋا اگەنتتىگىنىڭ 13 - ساۋىردە حايكوۋدان بەرگەن حابارى. 10 – ساۋىردەن 11 - ساۋىرگە دەيىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بو – اۋ ازيا تالقى مىنبەرىنىڭ جىلدىق ماجىلىسىنە قاتىناسقاننان كەيىن، حاينان ولكەلىك پارتكومنىڭ شۋجيى لو باۋميڭ، ولكە باستىعى جياڭ ديڭجىنىڭ سەرىك بولۋىمەن حاينان ولكەسىنىڭ نەگىزگى ساتىسىنا ىشكەرىلەي ارالاسىپ، تەكسەرىپ - زەرتتەۋ جۇرگىزدى.

　　تەكسەرىپ – زەرتتەۋ بارىسىندا لي كىچياڭ مىنانى كوپ رەت باسا دارىپتەدى: دامۋ ـــ ماڭداي الدى مىندەت، ول بارلىق ماسەلەنى شەشۋدىڭ تەتىگى. كەزەكتە ىشكى - سىرتقى ورتا كۇردەلى، قيىنشىلىقتارعا ءسال قاراۋعا بولمايدى، ورنىقتى ارتۋ مىندەتى اۋىر. جەر - جەرلەر، تاراۋلار ۇكىمەت ىسىندە ەلگەزەك، شىنشىل بولىپ، جاۋاپكەرلىكتى باتىلدىقپەن ارقالاپ، ناقتى شارالاردى ىرىقتىلىقپەن قولدانىپ، قيىن ماسەلەلەردى بەلسەنە شەشىپ، تالپىنا ىستەۋ رۋحىمەن رەفورمانى جەبەپ، قۇرىلىمدى رەتتەپ، حالىققا يگىلىك جەتكىزىپ، ىشكى سۇرانىمدى ونان ارى ۇلعايتىپ، حالىقارالىق بازاردى كۇش سالا اشىپ، كوپ جاقتىلى ساياساتتار ارقىلى دامۋعا قاجەتتى قوزعاۋشى كۇشتى تاسقىنداتىپ، ارتۋ مەن جۇمىسپەن قامتاماسىزداندىرۋدىڭ تومەنگى شەكتەن، اقشانىڭ قۇنسىزدانۋىنىڭ جوعارى شەكتەن اسپاۋىنا كەپىلدىك ەتىپ، ەكونوميكانىڭ ۇيلەسىمدى كولەمدە ورنىقتى اينالىمىن ساقتاپ، عىلمي دامۋدى شىن مانىندە ىلگەرىلەتۋ كەرەك. (ءتىلشى: چىن ىرحوۋ)

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى