رەسەيشىلدەر ۋكراينانىڭ دونەتسكي وبلىستىق راديو - تەلەۆيزيا عيماراتىن باسىپ الدى

2014.04.28 13:41   كەلۋ قاينارى : حالىق تورابى

　　شينحۋا تورابىنىڭ 27 - ساۋىردە كيەۆتەن بەرگەن حابارى. ۋكراينانىڭ شىعىس بولەگىندەگى دونەتسكي قالاسىندا رەسەيدى جاقتايتىن نەشە ءجۇز نارازىلىق ءبىلدىرۋشى 27 - ساۋىر تۇستەن كەيىن وبلىستىق راديو - تەلەۆيزيا سەرىكتىگىنە شابۋىل جاساپ، ونى باسىپ الدى.

　　ۋكراينا حالىقارالىق جازبا تەلەگراف اگەنتتىگىنىڭ حابارىنا قاراعاندا نارازىلىق بىلدىرۋشىلەر وبلىستىق راديو - تەلەۆيزيا سەرىكتىگى عيماراتىنىڭ قاقپاسىن بۇزىپ، ىشىنە باسىپ كىرگەن، عيماراتتىڭ جانىنداعى شامامەن 30داي ساقشى بۇل ءىستى كورىپ تۇرىپ، وعان ارالاسپاعان.

　　500دەن اسا نارازىلىق ءبىلدىرۋشى عيماراتتىڭ الدىندا «سلاۆيانسكي قالاسى ەرجۇرەك قالا»، «كيەۆ دونەتسكيدى باسقارا المايدى»، «رەسەي» دەگەن ۇرانداردى شاقىرىپ، كەيبىرەۋلەر عيماراتتىڭ توبەسىنە «دونەتسكي حالىق رەسپۋبليكاسى» دەگەن تۋدى تىككەن. نارازىلىق بىلدىرۋشىلەر ۋكراينا تەلەۆيزياسىنىڭ پروگراممالارىن تاراتۋدى توقتاتىپ، رەسەي تەلەۆيزياسىنىڭ پروگراممالارىن وزگەرتۋدى تالاپ ەتكەن. ( ءتىلشى: جاڭ جىچياڭ)

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى