شي جينپيڭ شينجياڭدا قىزمەت تەكسەردى

2014.04.30 10:57   كەلۋ قاينارى : ورتالىق حالىق راديو ستانسياسى تورابى

　　شينحۋا اگەنتتىگىنىڭ حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءساۋىردىڭ 27-كۇنى شينجياڭعا بارىپ، پارتيانىڭ 18-كەزەكتى 3-جالپى ءماجىلىس رۋحىن ىشكەرىلەي دايەكتى تياناقتاندىرۋ، رەفورمانى ىشكەرىلەتۋدىڭ ءتۇرلى ورنالاستىرۋلارىن تياناقتاندىرۋ، شينجياڭنىڭ رەفورما دامۋ ورنىقتىلىق ىستەرىن جەبەۋ قىزمەتتەرى جايلى تەكسەرىپ زەرتتەۋ جۇرگىزدى. بۇل پارتيانىڭ 18-قۇرىلتايىنان كەيىن شي جينپيڭنىڭ شينجياڭعا تۇڭعىش بارۋى. ءساۋىردىڭ 27-كۇنى تۇستەن كەيىن شي جينپيڭ قاشقاردا قارۋلى ساقشى شينجياڭ باس اترەتى بەلگىلى قوسىنى ەرەكشە مىندەت ورتا اترەتىنە بارىپ كوماندير-جاۋىنگەرلەردەن حال سۇرادى. داڭق بولمەسىن ەكسكۋرسيالاعان سوڭ شي جينپيڭ بىلاي دەدى: «ەڭبەگىڭ قاتتى بولسا تاتقانىڭ ءتاتتى بولادى»، ورتا كۇردەلى قاتاڭ بولعان سايىن ەركىڭ شىڭدالا تۇسەدى. كوپشىلىكتەن بورىشتارىن ەستە بەرىك ساقتاپ، كۇش ۇستىنە كۇش قوسىپ، وتان مەن حالىق ءۇشىن تىڭ ەڭبەك ءسىڭىرۋدى ءۇمىت ەتەمىن. جالىندى دا جىگەرلى از ۇلت كوماندير جاۋىنگەرلەرىن كورگەندە شي جينپيڭ اسا قۋانىپ: ۇلتتىق روتانىڭ ىنتىماعى بەرىك ەكەن، ءبىر-بىرىڭىزگە كوڭىل ءبولىپ، ءوزارا كومەكتەسىپ، ۇيرەنىپ، ۇلتتار ىنتىماعىن قورعاپ، وتان شەكاراسىن جاقسى كۇزەتۋلەرىڭىزدى ءۇمىت ەتەمىن،-دەدى.

　　شي جينپيڭ ءساۋىردىڭ 28-كۇنى قاشقار قالالىق قوعام حاۋىپسىزدىگى مەكەمەسى ءنازىرباق بولىمشەسىنە بارىپ، كەسكىن باقىلاۋ، ساقشى جابدىقتارىن ەكسكۋرسيالاپ، لاڭكەستىككە، زورلىقتى كۇشكە قارسى مانۆەردى كوردى. شي جينپيڭ بىلاي دەدى: حالىققا قىزمەت وتەۋ، اماندىقتى ساقتاپ ورنىقتىلىقتى قورعاۋ جاعىندا ۇزدىك ناتيجە جاراتۋلارىڭىزدى ءۇمىت ەتەمىن. ءار دارەجەلى پارتيا كوميتەتى مەن ۇكىمەت نەگىزگى ساتىداعى ساقشىلارعا شىنايى كوڭىل ءبولىپ، ولاردى الاڭنان ارىلتۋلارى كەرەك. سىزدەردە وزدەرىڭىزدى جاقسى قورعاڭىزدار، دەندەرىڭىز ساۋ، قىزمەتتەرىڭىز تابىستى بولسىن.