رەسەيشىلدەر رۋگانسكى وبلىستىق ۇكىمەت عيماراتىن باسىپ الدى

2014.04.30 14:17   كەلۋ قاينارى : حالىق تورابى

　　شينحۋا تورابى، 29 – ءساۋىر، كيەۆ. ۋكراينادا رەسەيشىلدەر 29 – ءساۋىر تۇستەن كەيىن ۋكراينانىڭ شىعىسىنداعى رۋگانسكى وبلىستىق ۇكىمەت عيماراتىنا شابۋىلدادى ءارى عيماراتتى باسىپ الىپ، توبەسىنە رەسەيدىڭ تۋىن قادادى.

　　جەرگىلىكتى مەديالاردىڭ حابارلاۋىنشا، رەسەيشىل ەرەۋىلشىلەر ۋكرايناعا ساياسي قىلمىسكەرلەردى تۇگەل بوساتۋ، فەدەراتسيا ماسەلەسى تۋرالى بۇكىل حالىقتىق داۋىس بەرۋدى ۇيىمداستىرۋ، ورىس تىلىنە رەسمي ءتىل مارتەبەسىن بەرۋ قاتارلى ماسەلەلەر تۋرالى سول كۇنى تۇستەن كەيىن ساعات 2گە دەيىن جاۋاپ بەرۋدى تالاپ ەتكەن.

　　ۇكىمەتتەن جاۋاپ الا الماعاندىقتان، جۇزگە جۋىق رەسەيشىل ەرەۋىلشى ۇكىمەت عيماراتىنا باسىپ كىرگەن ءارى تۇتەكتى بومبى مەن تورسىلداق ىستەتكەن. عيماراتتىڭ ىشىندەگى 150گە جۋىق ساقشى جاساۋراتقىش گاز ارقىلى ولاردىڭ جولىن بوگەمەك بولعانىمەن، ولاردىڭ بۇل شاراسى ءونىم بەرمەگەندىكتەن، ساقشىلار عيماراتتان شەگىنىپ شىققان. وقيعا بارىسىندا ءولىم – ءجىتىم، جارالانۋ احۋالى تۋىلماعان.

　　كەلۋ قاينارى: حالىق تورابى