بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شي جينپيڭ شينجياڭداعى اسكەري قوسىنداردى كوزدەن كەشىردى

2014.05.04 10:36   كەلۋ قاينارى : ورتالىق حالىق راديو ستانسياسى تورابى



  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءساۋىردىڭ 27-كۇنىنەن 29-كۇنىنە دەيىن شينجياڭداعى اسكەري قوسىنداردان حال سۇرادى ءارى لاڭكەستىككە قارسى تۇرىپ، ورنىقتىلىقتى ساقتاۋ قىزمەتىن تاباندىلىقپەن ىستەۋ، ءار ۇلت حالقىنىڭ باس اماندىعى مەن مال–مۇلكىنىڭ حاۋىپسىزدىگىن ساقتاۋ جونىندە ارناۋلى زەتتەۋ جۇرگىزىپ، پارتيا ورتالىعى، مەملەكەتتىك كەڭەس، ورتالىق اسكەري ىستەر كوميتەتى اتىنان شينجياڭداعى بارلىق ازاتتىق ارميا مەن قارۋلى ساقشى قوسىنىنداعى كوماندير–جاۋىنگەرلەر جانە حالىق جاساق قوسىنىنداعىلاردان شىنايى حال سۇرادى. شي جينپيڭ: پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىشكەرلەي دايەكتى تياناقتاندىرىپ، اسكەري قوسىندى توڭكەرىستەندىرۋ، وسىزامانداندىرۋ جانە جۇيەلەندىرۋ قۇرىلىسىن جالپى بەتتىك كۇشەيتىپ، بورىش پەن مىندەتتى ورىنداۋ قۋاتىن ۇزدىكسىز جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعىن بەرىك كۇشپەن قامتاماسىزداندىرۋ كەرەك دەگەندى باسا دارىپتەدى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ تەكسەرۋدە بىرگە بولدى.

  ءساۋىردىڭ 27–كۇنى تۇستەن كەيىن ساعات 3تە شي جينپيڭ قاشقارعا بارا سالىسىمەن جولدىڭ الىستىعىنا قاراماستان قارۋلى ساقشى شينجياڭ باس اترەتىنىڭ ءمالىم ءبىر ەرەكشە ورتا اترەتىنە بارىپ، ول اراداعى كوماندير–جاۋىنگەرلەردەن حال سۇرادى. اترەتتىڭ داڭق كەڭسەسىندە شي جينپيڭ وسى اترەتتىڭ زورلىقتى لاڭكەستىك قيمىلدارعا سوققى بەرۋ، شايقاس جۇرگىزۋ احۋالى جونىندەگى دوكلاتتى تىڭداپ، كوپشىلىكتى بورىشتى ماڭگى ەستەن شىعارماي، كۇش ۇستىنە كۇش قوسىپ، ءتۇرلى مىندەتتەردى باتىل ورىنداپ، وتان مەن حالىققا ۇلەس قوسۋعا شابىتتاندىردى.

  ەرەكشە ورتا اترەتىنەن اتتانعاننان كەيىن شي جينپيڭ ماشيناعا وتىرىپ شينجياڭ اسكەري رايونىنىڭ ءمالىم ءبىر ۇلتتىق 6 روتاسىنا باردى. بۇل روتا 1990–جىلى زورلىقتى ارەكەتتى تىنىشتاندىرۋدا زور ەڭبەك كورسەتىپ، ورتالىق اسكەري ىستەر كوميتەتى جاعىنان «وتاندى قورعاعان قاھارمان روتا» داڭقىنا يە بولعان.

  وڭتۇستىك شينجياڭ اسكەري رايونىنىڭ ورگانىندا شي جينپيڭ اسكەري رايون ورگان كادرلارى مەن قاشقار ايماعىنا ورنالاسقان اسكەري قوسىنداعى پولىكتەن جوعارى باسشى كادرلەرمەن كەزدەسىپ، لاڭكەستىككە قارسى تۇرۋ، ورنىقتىلىقتى ساقتاۋ قىزمەتىن جاقسى ىستەۋ جونىندە اسكەري قوسىنىنىڭ جاۋاپتىلارىمەن اڭگىمە ءماجىلىس وتكىزدى. شي جينپيڭ باسا دارىپتەپ بىلاي دەدى: وڭتۇستىك شينجياڭنىڭ ورنىقتىلىعى بۇكىل شينجياڭنىڭ، باتىس سولتۇستىك رايوننىڭ ءتىپتى بۇكىل مەملەكەتتىڭ ورنىقتىلىعىنا سايادى. وڭتۇستىك شينجياڭداعى اسكەري قوسىندار مەملەكەتتىڭ حاۋىپسىزدىگى مەن دامۋ ستراتەگياسىنىڭ جالپى جاعدايىن شىعار ءتۇيىن ەتۋ سىندى وسكەلەڭ تۇرعىدان، ارقالاعان ساياسي جاۋاپكەرشىلىگىن تولىق تانىپ، جاپالى مىندەتتەردى ارقالاۋدان قورىقپاي، تۇلعالىق كۇش قالىپتاستىرىپ، جەرلىكتەگى پارتيا كوميتەتى مەن ۇكىمەتتەردىڭ لاڭكەستىككە قارسى تۇرۋ ورنىقتىلىقتى ساقتاۋدىڭ ءتۇرلى قىزمەتىمەن بەلسەنە سايكەسىپ، لاڭكەستەر مەن زورلىقتى لاڭكەس كۇشتەرگە سىلەيتە سوققى بەرىپ جانە ولاردىڭ ورشىگەن اپتىعىن باسىپ، قوعامنىڭ ورنىقتىلىعىن شىن مانىندە قورعاپ، حالىق بۇقاراسىنىڭ الاڭسىز ءومىر سۇرۋىن قامتاماسىزداندىرۋ كەرەك.

  شي جينپيڭ اسكەري قوسىنداردىڭ ناقتىلى سوعىس جۇرگىزۋ ماشىعىنا دا وسكەلەڭ ءمان بەردى. ءساۋىردىڭ 29 – كۇنى تۇستەن كەيىن شي جينپيڭ جاۋىپ تۇرعان جاڭبىرعا قاراماستان ءۇرىمجى قالا ماڭىنداعى شينجياڭ اسكەري رايونىنىڭ ۋنيۆەرسال ماشىق وتكىزۋ مايدانىنا بارىپ، ول اراداعى جاۋىنگەرلەردىڭ نىسانا اتۋ، ەرەكشە سوعىس اترەتىنىڭ لاڭكەستىككە قارسى تۇرۋ ارەكەتى قاتارلى جاقتاردا جۇرگىزگەن ماشىقتارىن تاماشالادى.

  شينجياڭ اسكەري رايونىنىڭ ءمالىم ءبىر قىزىل ارميا ديۆيزياسىندا شي جينپيڭ اسكەري رايون ورگانىنىڭ باسقارمادان جوعارى كادرلەرى مەن ءۇرىمجى قوسىنىنداعى ديۆيزيادان جوعارى باسشى كادرلەردى قابىلدادى. بۇل ديۆيزيانىڭ توركىنى شانشي-گانسۋ شەكارا توڭكەرىس بازاسى كەزىندە قۇرىلعان قىزىل ارميا قوسىنى، توڭكەرىستىك سوعىس داۋىرى مەن سوتسياليستىك قۇرىلىس كەزىندە تالاي ەڭبەك سىڭىرگەن.

  شي جينپيڭ ءماجىلىس اشىپ، شينجياڭ اسكەري رايونى مەن قارۋلى ساقشى شينجياڭ باس اترەتىنىڭ قىزمەت دوكلاتىن تىڭداپ، شينجياڭداعى اسكەري قوسىنداردىڭ تاياۋ جىلداردان بەرگى قۇرىلىس جانە دامۋ جاعىندا قول جەتكىزگەن تابىستارى مەن كوماندير ـ جاۋىنگەرلەردىڭ جاپا ماشاقاتتان قورىقپاي، وتاندى قورعاۋعا ءوزىن ارناۋ رۋحىن تولىق تۇراقتاندىرا كەلە بىلاي دەدى: شينجياڭنىڭ حاۋىپسىزدىگى مەن ورنىقتىلىعى بۇكىل ەلىمىزدىڭ رەفورما، دامۋ جانە ورنىقتىلىعىنا، وتاندى بىرلىككە كەلتىرۋگە، ۇلتتار ىنتىماعىنا، مەملەكەتتىڭ حاۋىپسىزدىگىنە سايادى. ورتالىقتىڭ شينجياڭ قىزمەتى جونىندەگى ستراتەگيالىق شەشىمدەرىن تەرەڭ يگەرىپ، شينجياڭدى ورنىقتىرۋ دامىتۋ، شەكارانى بەكەمدەۋدىڭ بورىشتىلىق جانە جاۋاپكەرلىك تانىمىن ۇزدىكسىز كۇشەيتىپ، شينجياڭدا سانالى تۇردە تابان تىرەپ، قورعاپ جانە قۇرىپ، پارتيا مەن حالىقتىڭ جۇكتەگەن قاسيەتتى بورىشىن شىن مانىندە ورىنداۋ كەرەك.

【1】 【2】 【3】 
جاۋاپتى رەداكتورى : نۇرعيسا قۇرمانجان ۇلى

 سۋرەت