جۇڭگو ارمانىن جىرلاعان جىر ءوتتى جەتى قابادا

2014.05.06 13:26  

　　ەرىكتى ءتىلشى داۋرەن كارمەن ۇلى حابارلايدى.

　　«ولەڭ-ءسوزدىڭ پاتشاسى،ءسوز ساراسى،

　　قيىننان قيستىرار ەر داناسى.

　　تىلگە جەڭىل جۇرەككە جىلى ءتيىپ ،

　　تەپ-تەگىس جۇمىر كەلسىن اينالاسى»،-دەپ ولەڭ ونەرىن ۇلكەن فيلوسوفيالىق ويمەن جىرلاپ ، ولەڭ دەگەن نە؟ دەگەن سۇراۋعا دالمە-ءدال قيسىنىن تاۋىپ، جاۋاپ بەرىپ كەتكەن حالقىمىزدىڭ ۇلى ويشىل، فيلوسوف اقىنى اباي قونانبايەۆتىڭ «ولەڭ-ءسوزدىڭ پاتشاسى ،ءسوز ساراسى» دەگەن ولەڭىمەن قابا اۋداننىڭ تۇڭعىش كەزەكتى «جۇڭگو ارمانى ــ مەنىڭ ارمانىم، قابانى، ۇلتتار ىنتىماعىن جىرلاۋ» تاقىرىبىنداعى جاس اقىنداردىڭ جىر ءمۇشايراسىنىڭ باستالعانىن جاريالاعان ساتيريك اقىن جەڭىس تولەۋباي ۇلىنىڭ ءسوزى اياقتار-اياقتاماستان جىر-ءمۇشايراعا جينالعان كورەرمەن، ولەڭگە، ونەرگە دەگەن ۇلكەن ىزەت قۇرمەتتەرىن دۇنيەگە ولەڭمەن كەلىپ، ولەڭمەن كەتەتىن حالىقتىڭ جۇرەك سەزىمى مەن الپىس ەكى تامىرىنداعى قانى بوگەۋ بەرمەس الىپ تولقىنداي ادۋىنداپ، قۇلاقتى تۇندىرارلىقتاي دۋ قول شاپالاق ۇنىمەن قارسى الىپ جاتتى، جاندى تەبىرەنتكەن قۋانىش شاپالاعى تولاستاي بەرە، بۇل رەتكى جىر ءمۇشايراسى «جەتى قابا ونەر توبىنىڭ» ورىنداعان كيەلى جەتى وزەننىڭ اساۋ اعىسىنداي كۇمبىرلى كۇيىمەن شىمىلدىعىن اشتى.

　　جىر ءمۇشايرا اۋداندىق تولىق ورتا مەكتەپتەن كەلگەن جەتكىنشەك جاس اقىن قۋاندىق ءومىر ۇلىنىڭ «تۋعان جەر» اتتى ولەڭىمەن باستالسىمەن، بۇل رەتكى مۇشايراعا قاتىناسقان 15 اقىن ارى قاراي كەزەكپەن ارىندى ارعىماقتاي جۇڭگو ارمانىن جىرلاپ، جۇڭگو ارمانى مۇرات، ماقسات قانا ەمەس، قايتا ءاربىر جۇڭگولىقتىڭ ومىرىنەن بەينەلەنەتىندىگىن، جۇڭگو ارمانىن جۇزەگە اسىرۋ، بۇقارانىڭ ارمان – تىلەگىن جۇزەگە اسىرۋ بولىپ، «حالىقتىڭ اڭساعان تاماشا ءومىرى، كۇرەس نىساناسى» ەكەندىگىن، ءارى قازىرگى حالىق تۇرمىسىنا دەگەن ابزال ساياسات، تۋعان جەر، بەيبىت جاراسىمدى قابا اۋداننىڭ تىنىش تاماشا ورتاسىن، بەلەستەردەن- بەلەستەرگە جەتكەن تولاعاي تابىستارىن اقىندىق شابىت، ءورت ءتىل ورامدى ويمەن ايشىقتى جىرلادى، سونىمەن قاتار ولەڭ وقۋ ارەدىگىندە ءان ، كۇي ، تەرمە ، اقىندار ايتىسى قاتارلى ءتۇرلى ونەرلەر كورسەتىلىپ، جىر مۇشايرانىڭ ءسانىن اسىرىپ، مازمۇنىن ايشىقتاپ، ءوز مارەسىنە كوتەردى.

　　سوڭىندا، بۇل رەتكى اۋداندىق پارتكوم ۇكىمەتتىڭ ەرەكشە ءمان بەرۋى اۋداندىق ۇگت ءبولىمى، باس جۇمىسشىلار ۇيىمى، مادەنيەت دەنە-تاربيە مەكەمەسى، جاستار وداعى كوميتەتى، ادەبيەت-كوركومونەرشىلەر بىرلەستىگىنىڭ ۇيىمداستىرۋىندا وتكىزىلگەن جىر ءمۇشايرا، ەندى قاناتتانىپ كەلە جاتقان جاس جەتكىنشەك اقىندار ءۇشىن تاماشا ۇيرەنۋ ورايى بولىپ، اقىندىق دارىندارىنا شابىت سيلاسا، باسقا اقىندارعا ءوزارا جاقسى ۇيرەنۋ ورايى بولىپ،ءتۇرلى جاقتان قۇندى تاجىريبەلەر قابىلداپ تابىستى تۇردە اياقتالىپ جاتتى.

　　كەلۋ قاينارى: التاي اقپارات تورابى