بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ءداستۇرلى تاربيە جينالىسىن وتكىزدى

2014.05.07 16:15  



  ەرىكتى ءتىلشى قايروللا كومانتاي ۇلى حابارلايدى.

  تامىرىن تەرەڭگە تارتقان مايەكتى مادەنيەتىمىزبەن، ۇلتتىق سالت-ءداستۇر، عۇرىپ ـ ادەتىمىزبەن بىتە قايناسىپ بۇگىنگە جەتكەن ۇلتتىق دەنە تاربيەمىزدى ۇلىقتاپ، مەملەكەتىمىزدىڭ وركەنيەتتى اۋىل ـ قىستاقتارعا جەتكىزۋ، جالپى حالىقتىق دەنە شىنىقتىرۋ سىندى ۇلى ۇندەۋلەرىنە ٴءۇن قوسىپ، از ساندى ۇلت جاستارىنان ۇزدىك سپورتشى تاربيەلەپ، از ساندى ۇلتتاردىڭ ۇلتتىق ەرەكشەلىككە يە دەنە-تاربيە ىستەرىن دامىتۋدى، ۇلتتار ىنتىماعىن كۇشەيتىپ، جاراسىمدى قوعام قۇرۋدى دارىپتەپ، تۇتاس اۋداننىڭ مادەنيەت ـ دەنە تاربيە ىستەرىن بارىنشا دامىتۋدى كوزدە ۇستاعان بۋرىلتوعاي اۋدانىنىڭ تۇڭعىش كەزەكتى از ساندى ۇلت جۇمىسشى ـ قىزمەتكەر، ەگىنشى ـ مالشىلارىنىڭ ءداستۇرلى دەنە-تاربيە جينالىسى 30 ـ ساۋىردە بۋرىلتوعاي اۋدانى كوكاعاش اۋىلىندا وتكىزىلدى.

  ءبىر كۇندە مارەسىنە جەتكەن بۇل رەتكى دەنە تاربيە جينالىسىنا بۋرىلتوعاي اۋدانىنا قاراستى ءارقايسى اۋىل، قالاشىق، فەرمانىڭ جۇمىسشى ـ قىزمەتكەرلەرى، ەگىنشى ـ مالشىلارى قاتىناسىپ، قازاقشا كۇرەس، قول باسىسۋ، كوكبۇقا، تاس كوتەرۋ، قازاقى دويبى، حالىقارالىق شاحمات، قۇلاڭ ٴشاشتى ارۋلار باسەكەسى قاتارلى سپورت تۇرلەرىنەن باق سىناپ، جينالىستىڭ كورىگىن قىزدىردى.

  «1 ـ مامىر حالىقارالىق ەڭبەكشىلەر مەرەكەسىن»، «4 ـ مامىر جاستار مەرەكەسىن» قارسى الۋ، ماۋسىم ايىنىڭ باسىندا قابا اۋدانىندا وتكىزىلەتىن ايماقتىق از ساندى ۇلتتاردىڭ ءداستۇرلى دەنە-تاربيە جينالىسىنا سپورتشى سارالاۋ وسى رەتكى دەنە تاربيە جينالىسىنىڭ باستى ماقساتى بولدى. جارىسقا قاتىناسقان سپورتشىلار دوستىقتى بارىنەن ماڭىزدى ورىنعا قويىپ، جارىستىڭ جالپى بارىسىنىڭ ءتارتىپتى دە مادەنيەتتى جۇرىلۋىنە كەپىلدىك ەتىپ، كورەرمەندەردىڭ القاۋىنا بولەندى.

  سوڭىندا، قۇلاڭ شاشتى ارۋلار باسەكەسىنىڭ باس بايگەسىن كوكاعاش اۋىلىنىڭ ارۋى كۇلشيرا ەنشىلەسە؛ تاس كوتەرۋ جارىسىندا جەتارال اۋىلىنىڭ جاس بالۋانى ەرجان 128 كيلوگرامدىق سالماقتاعى تاستى كەۋدەسىنەن جوعارى 30 سەكوند كوتەرىپ اعا جۇلدەگەر اتاندى. حالىقارالىق شاحمات جارىسىندا شىعانجيدە اۋىلىنىڭ سپورتشىسى نۇرسەرىك باس جۇلدەنى، قازاقى دويبى جارىسىنان قاراماعاي اۋىلىنىڭ سپورتشىسى قانات باس جۇلدەنى قانجىعاسىنا بايلادى. كوكبۇقا جارىسىندا (حالىق اراسىندا بۇقاشا تارتىسۋ دەپ تە اتالىپ ٴجۇر) 55 كيلوگرام سالماقتاعىلاردىڭ باس جۇلدەسى كوكاعاش اۋىلىنىڭ سپورتشىسى شالقارعا، 61 كيلوگرام سالماقتاعىلاردىڭ باس جۇلدەسى كوكاعاش اۋىلىنىڭ سپورتشىسى اقتىلەككە، 68 كيلوگرام سالماقتاعىلاردىڭ باس جۇلدەسى شىعانجيدە اۋىلىنىڭ سپورتشىسى اقجولعا، 76 كيلوگرامدىق سالماقتاعىلاردىڭ باس جۇلدەسى شىعانجيدە اۋىلىنىڭ سپورتشىسى بالعىنبەككە، 85 كيلوگرام سالماقتاعىلاردىڭ باس جۇلدەسى جەتارال اۋىلىنىڭ سپورتشى جىگەرگە، 95 كيلوگرام سالماقتاعىلاردىڭ باس جۇلدەسى كوكاعاش اۋىلىنىڭ سپورتشىسى ماميگە، 95 كيلوگرامدىق سالماقتاعىلاردىڭ باس جۇلدەسى قاراماعاي اۋىلىنىڭ سپورتشىسى تىلەۋگە بۇيىردى. قول باسىسۋ جارىسىندا 52 كيلوگرامدىق سالماقتاعىلار بويىنشا كوكاعاش اۋىلىنىڭ سپورتشىسى شالقار، 62 كيلوگرامدىق سالماقتاعىلار بويىنشا جەتارال اۋىلىنىڭ سپورتشىسى قۋانىش، 74 كيلوگرامدىق سالماقتاعىلار بويىنشا شىعانجيدە اۋىلىنىڭ سپورتشىسى اقجول، 87 كيلوگرامدىق سالماقتاعىلار بويىنشا كوكاعاش اۋىلىنىڭ سپورتشىسى ورال، 87 كيلوگرامنان جوعارى سالماقتاعىلار بويىنشا جەتارال اۋىلىنىڭ سپورتشىسى تىلەۋبەك اعا جۇلدەگەر اتاندى. قازاقشا كۇرەستە 52 كيلوگرام سالماقتاعى بالۋانداردىڭ باس بايگەسىن جەتارال اۋىلىنىڭ بالۋانى قاينار، 62 كيلوگرام سالماقتاعى بالۋانداردىڭ باس بايگەسىن جەتارال اۋىلىنىڭ بالۋانى قۋانىش، 74 كيلوگرام سالماقتاعى بالۋانداردىڭ باس بايگەسىن شىعانجيدە اۋىلىنىڭ بالۋانى اقجول، 87 كيلوگرامدىق سالماقتاعى بالۋانداردىڭ باس بايگەسىن شىعانجيدە اۋىلىنىڭ بالۋانى بالعىنبەك، 87 كيلوگرامدىق سالماقتان جوعارى بالۋانداردىڭ باس بايگەسىن شىعانجيدە اۋىلىنىڭ بالۋانى جۇمادىل بوكتەرىپ قايتتى.

  كەلۋ قاينارى: التاي اقپارات تورابى

【1】 【2】 【3】 【4】 【5】 【6】 【7】 【8】 【9】 
جاۋاپتى رەداكتورى : نۇرعيسا قۇرمانجان ۇلى

 سۋرەت