شي جينپيڭ حىناندا تەكسەرۋ جۇرگىزدى

2014.05.12 13:18   كەلۋ قاينارى : حالىق تورابى

　　9 ـ مامىردان 10 ـ مامىرعا دەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىنان ولكەسىندە قىزمەت تەكسەردى. سۋرەتتە: 9 ـ مامىر تۇستەن كەيىن شي جينپيڭ ۋيشى اۋدانى جاڭشى قالاشىعىندا جوعارى ولشەمدى قۇنارلى اتىزداعى ءبيدايدىڭ شىعۋ جاعدايىن كوزدەن كەشىرۋدە. شينحۋا اگەنتتىگىنىڭ ءتىلشىسى جاڭ دو فوتوسى

　　شينحۋا تورابىنىڭ 10 ـ مامىردا جىڭجوۋدان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا تەكسەرۋ جۇرگىزگەن كەزدە مىنانى باسا دارىپتەدى: ەلىمىز شارۋاشىلىعىنىڭ دامۋىنداعى نەگىزگى بەت ـ بەينە وزگەرگەن جوق، ورنىقتىلىق بارىسىندا العا ىلگەرلەيتىن نەگىزگى اۋەننەن اۋىتقىماي، ورنىقتى ارتۋدى، رەفورمانى ىلگەرىلەتۋدى، قۇرىلىمدى رەتتەۋدى، حالىققا يگىلىك جەتكىزۋدى، حاۋىپ ـ حاتەردىڭ الدىن الۋ قاتىناسىن ويداعىداي ءبىرجاقتىلى ەتىپ، رەفورمانى تەرەڭدەتىپ، باسىمدىلىقتى ساۋلەلەندىرىپ، وي جەلىسىندە جاڭالىق جاراتىپ، جاپپاي جوسپارلاپ، تەڭ ءمان بەرىپ، ەكونوميكانىڭ ءۇرتىس اقاۋسىز دامۋى جانە قوعامنىڭ جاراسىمدىلىعى مەن ورنىقتىلىعىنا كەپىلدىك ەتۋ كەرەك.

　　ورتا جازىقتىڭ دارقان دالاسىنان تىرشىلىك تىنىسى مەنمۇندالايدى. 9 ـ مامىردان 10 ـ مامىرعا دەيىن شي جينپيڭ حىنان ولكەلىك پارتكومنىڭ شۋجيى گو گىڭماۋ، ولكە باستىعى شيە فۋجانداردىڭ سەرىك بولۋىندا كايفىڭ، جىڭجوۋ قاتارلى جەرلەرگە بارىپ، اۋىل ـ قىستاقتاردى، كاسىپورىنداردى، قورعامالى باجىلى زات اينالىم ورتالىقتارىن، حالىقارالىق قۇرىلىقتىق كەدەندەردى ىشكەرىلەي ارالاپ، قوعامدىق، ەكونوميكالىق دامۋ مەن نەگىزگى ساتىداعى پارتيانىڭ بۇقارالىق لۋشيان تاربيەسى جانە ءامالياتتىق قىيمىلىنىڭ جۇرگىزىلۋ احۋالىنا تەكسەرۋ ـ زەرتتەۋ جۇرگىزدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى