شينحۋا تورابىنىڭ 11- مامىردا نايروبيدان بەرگەن حابارى. مەملەكەتتىك كەڭەستىڭ زۇڭليى لي كىچياڭ 11 - مامىر تۇستەن بۇرىن نايروبيداعى مەملەكەت سارايىندا كەنيانىڭ زۇڭتۇڭى كەنياتتامەن بىرگە تىلشىلەرمەن كەزدەسىپ، جۇڭگو ـ افريكا سەلبەستىك قۇرىلسى ـــ مومباسا ـ نايروبي تەمىر جولىنىڭ احۋالىن تانىستىردى. كەزدەسۋگە ۋگاندانىڭ زۇڭتۇڭى مۋسەۆەني، رۋاندانىڭ زۇڭتۇڭى كاگامي، وڭتۇستىك سۋداننىڭ زۇڭتۇڭى كيەل قاتارلى شىعىس افريكا رايونىنداعى ەلدەردىڭ باسشىلارى قاتىناستى.
لي كىچياڭ بىلاي دەدى: بۇگىن ءبىز مومباسا ـ نايروبي تەمىر جولى سىندى ماڭىزدى نىسان جونىندەگى كەلىسىمگە قول قويۋ قيمىلىنا بىرگە كۋا بولدىق. بۇل ءبىر تاماشا باستاما، جۇڭگو كەنيامەن بىرلىكتە قۇلشىنىپ، بۇل تەمىر جولدىڭ شىعىس افريكا ارالىق رايونىنىڭ ءوزارا بايلانىسىن جاقسارتىپ قالماستان، شىعىس افريكانىڭ سترولى قاتىناس تورابىنىڭ دامۋ ۇلگىسىنە اينالۋىنا مۇمكىندىك جاراتۋدى قالايدى. ( تىلشىلەر: چاڭ ايليڭ، لۇي تيانران)
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى