بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

تۇركيادا كومىر كەنى پارتىلاپ، قازىرگە دەيىن 157 ادام قازا بولدى

2014.05.14 14:15   كەلۋ قاينارى : حالىق تورابى



  تۇركيا مانيسا قالاسىنىڭ باستىعى 13 – مامىردا تۇركيانىڭ باتىسىنداعى مانيسا ولكەسىنىڭ سوما ايماعىندا كومىر كەنىندە قوپارىلىس تۋىلىپ، قازىرگە دەيىن 157 ادام قازا بولىپ، 75 ادامنىڭ جارالانعانىن حابارلادى.

  تۇركيانىڭ اپاتتى جاعدايلاردى ءبىرجاقتىلى ەتۋ ورتالىعىنىڭ دەرەگىنە قاراعاندا، شىرعالاڭ 2000 مەتر تەرەڭدىكتەگى شاحتادا تۋىلعان، توكپەن قامداۋ اسپابىنداعى كىنارات سەبەبىنەن قوپارىلىس تۋىلىپ، ءورت كەتكەن. ءىس تۋىلعان كەزدە 580دەي كەن جۇمىسشىسى كەن جولىندا جۇمىس ىستەپ جاتقان، 280دەي ادام جەر بەتىنە امان – ەسەن قاشىپ شىققان، قالعان 300دەي ادام كەن قۇدىعىنىڭ شىعار اۋزىنان 4 كيلومەتر كەلەتىن جەردە قامالىپ قالعان. قازا بولعاندار نەگىزىنەن تۇنشىعۋ جانە ءورت كەتۋ سەبەبىنەن جان ۇزگەن، قازىرگە دەيىن قامالىپ قالعانداردان 20 ادام قۇتقارىلىپ، ەمحاناعا جەتكىزىلدى.

  حاۋىپسىزدىك شارت – جاعدايى ويداعىداي بولماعاندىقتان، جۋىرداعى جىلداردان بەرى تۇركيادا كەن شىرعالاڭى قايتا – قايتا تۋىلۋدا. 2013 – جىلى قاڭتاردا تۇركيانىڭ باتىس سولتۇستىگىندەگى زونگۋلداك ولكەسىندە كومىر كەنىندە ۋلى گاز قوپارىلىسى شىرعالاڭى تۋىلىپ، 8 ادام قازا بولعان بولاتىن. (ءتىلشى: چىن مين)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 
جاۋاپتى رەداكتورى : نۇرعيسا قۇرمانجان ۇلى

 سۋرەت