اعايىندى شەبەرلەر الىپ دومبىرا جاسادى

سۋرەتىن ءتۇسىرىپ، حابارىن جازعان باعداۋلەت باتىربەك ۇلى

2014.05.20 14:33   كەلۋ قاينارى : حالىق تورابى

　　اعايىندى باقىتنۇر مەن باقىتكەلدى الىپ دومبىرانىڭ قاسىندا ەستەلىككە ءتۇستى.

　　قۇلجا اۋدانى اۋليە اۋىلىنا قاراستى بولەكەي قىستاعىنىڭ تۇرعىنى، اتا كاسىبىن ارداقتاعان، اۆتونوميالى وبلىس دارەجەلى بەيزاتتىق مادەنيەت مۇراگەرى، قازاق ۇلتىنىڭ دومبىرا ونەرىنىڭ ۋاكىلدىك مۇراگەرى، قۇلجا اۋدانىنداعى قازاق ۇلتتىق قولونەر كلاسىنىڭ جەتەكشىسى، الىس - جاقىنعا تانىمالى اباي، جامبىل دومبىرالارىن ويىپ جاساۋدىڭ قاس شەبەرى، «قوس دومبىرالى شاڭىراق»، «قوندىرعىلى دومبىراسى» مەملەكەت جاعىنان ۇزدىك ۇلتتىق مۋزيكالى اشەكەيلى ساياحات ەستەلىك بۇيىمى بولىپ، مەملەكەتتىك ءبىلىم مەنشىك ۇقىعىن العان باقىتنۇر ارەنعازى ۇلى ءىنىسى باقىتكەلدى ارەنعازى ۇلىىمەن بىرلەسە وتىرىپ، ءبىر اي ىشىندە ۇزىندىعى 7.5 مەتر، شاناعىنىڭ كەڭدىگى 1.8 مەتر كەلەتىن الىپ دومبىرانى جاساپ شىعىپ، دۇيىم جۇرتتى جالت قاراتتى. ول بۇل الىپ دومبىرانى 18 - مامىر كۇنى قىستاقتىڭ ۇلتتار ىنتىماعى ايى قيمىلىندا كورەرمەنمەن جۇزدەستىردى. ۇعىسۋعا قاراعاندا بۇل الىپ دومبىرانى ىلە وبلىستىق جىبەك جولى قازاق مۇراجايى ارنايى سۇرانىسپەن جاساتىپ، وبلىس قۇرىلعاندىعىنىڭ 60 جىلدىق مەرەي تويىنا قويادى ەكەن.

　　كەلۋ قاينارى: حالىق تورابى