شەبەر قول شەت قالمايدى

سۋرەتتە: بولاتبەك جاساعان قولونەر بۇيىمدارى

2014.05.20 15:56   كەلۋ قاينارى : حالىق تورابى

　　تۇرسىنجان جاناتاي ۇلى حابارلايدى. وتكەندە « وپالى ۇل، تاپقىر ازامات»-اتتى تانىستىرۋ ماقالامدا ارقاۋ بولعان بۋىرشىن اۋدانىنىڭ ەگىزتوبە اۋىلىنداعى شەبەر ازامات بولاتبەك كارىمقان ۇلىنىڭ سيىردىڭ مۇيىزىن كادەگە جاراتىپ، پايدا تاپقان بارىسىن وزگە ازاماتتارعا ۇلگى بولسىن ءۇشىن ايتا كەتۋدى ءجون كوردىم. بولاتبەك وتكەن جىلى كۇزدەن باستاپ، وزگەلەردىڭ 145 مىڭ يۋانعا بۇيىرتۋى بويىنشا مۇيىزدەن رومكا جانە تاراق جاساۋدى قولعا الىپ ىستەپ، قازىر نەگىزىنەن تەڭ جارتىسىن بولىپ، قالعانىن بيىل قىركۇيەك ايىنا دەيىن جاساپ بولادى ەكەن. مۇيىز شيكىزاتىن ارنايى ۇرىمجىدەگى مال سويىسحانالارىنان ءار كيلوگرامىن 25 يۋاننان توپتاپ الدىرىعان سوڭ ونى نەشە دۇركىن قايناتىپ، ىشكى وزەگىن الىپ، كۇلىمسى يىسىنەن ارىلتىپ، تازالاپ جۋىپ، ەڭ سوڭىندا اسپاپپەن سىرتىن ىسىپ مايدالاپ، ەشقانداي بوياۋ ىستەتپەي مۇيىزدىڭ تابيعي رەڭى بويىنشا وڭدەپ شىعارادى. بۇل ءارى كوركەم ءارى زالالسىز بولىپ، كورسەڭىز قىزىعۋىڭىز مۇندا تۇر. ول مۇيىزدى وڭدەۋ بارىسىنىڭ جاپالى دا جىڭىشكە بولعانمەن تۇسەر پايدانىڭ مول ەكەنىن ايتادى. بۇدان 110 مىڭ يۋان تازا پايدا قالادى دەپ وتىر. راس-اۋ! ءبىز كەي كەزدەرى ءبىر نارسەنەڭ سىرتىنا عانا ۇڭىلىپ، ونىڭ ىشكى ءمانىنە كوپ ءساپ سالىپ كەتپەيمىز. وسى ءاسەم دۇنيەلەردىڭ قانشاما ماشاقاتپەن قولعا كەلگەنىن ويلاپ كورەر بولساق، ارينە وعان از بولماعان بوداۋدىڭ بەرىلگەنىن بىلەر ەدىك.

　　بولاتبەك بۇدان تىس وتكەن قىستا قايىڭ مەن سامىرسىننىڭ توشىنىنان قازاقى ويۋلاپ شۋبات، قىمىز، ايران قۇياتىن ىدىستان 10 شىنىسىمەن 30 پارىن جاساپ ساتىپ، بۇداندا 10 مىڭ يۋاننان استام پايدا تاۋىپتى. ونەرلى جەگىتىمىز جاقىندا اۋىلدىقتا وتكەن قولونەر باسەكەسىندە 1-بولىپ، 500 يۋانمەن سيلانعان جايى بار.

　　سىرگە جياردا ايتارىمىز: بولاتبەكتىڭ تاپقىر دا شەبەرلىگىمەن وزگەلەردەن وزعان اڭگىمەسى مەن 4 جىلدان بەرى ءار كۇنى سال اۋىرۋ اكەسىنە تاپتەشتەي قاراعان قاجىرلىعى، اكەسىنە دەگەن مەيىرباندىعى، وپالىلىعى جايلى ادامدى تەبىرەنتەر اسەرلى اڭگىمەسى اۋىل-اۋىلعا تاراپ كەتتى. «ۇلگىلىنىڭ رولى شەكسىز»-ارينە، بۇدان جاستارىمىز ونەگە، ۇلگى الادى دەپ سەنەمىز. ءيا، ازاماتتار سوڭىندا اباي اتامىزدىڭ مىنا ەسكەرتۋى ءاردايىم ەسىمىزدە ءجۇرسە ەكەن دەيمىن: ادام بالاسى ادام بالاسىنان اقىل، عىلىم، ار، مىنەز دەگەن نارسەلەرمەن وزادى.

　　كەلۋ قاينارى: حالىق تورابى