ۇرىمجىدە تۋىلعان قوپارىلىس دەلوسىندا 31 ادام قازا بولدى

2014.05.23 15:49   كەلۋ قاينارى : حالىق تورابى

　　22 – مامىر ساعات 7دەن 50 مينۋت وتكەندە شينجياڭ ۇيعۇر اۆتونوميالى رايونى ءۇرىمجى قالاسى سايباق رايونى باقشا سولتۇستىك كوشەسىندەگى تاڭعى بازاردا قوپارىلىس تۋىلىپ، ءولىم – ءجىتىم، جارالانۋ احۋالى بولدى.

　　شينجياڭ ۇيعۇر اۆتونوميالى رايونى مەن ءۇرىمجى قالاسىنداعى قاتىستى تاراۋلار وقيعانى تەز ارادا ءبىرجاقتىلى ەتىپ، جارالانعاندار شيپاحاناعا جەتكىزىلدى. دەلو قازىر تەكسەرىلۋ ۇستىندە.

　　22 – مامىر ساعات 7دەن 50 مينۋت وتكەندە كولىك ءنومىرىن تاقپاعان ەكى اۆتوكولىك ءۇرىمجى قالاسى سايباق رايونى باقشا سولتۇستىك كوشەسىندەگى ءبىر تاڭعى بازارعا جينالعان جۇرتشىلىقتىڭ اراسىنا ەنتەلەي كىرىپ، ىلە – شالا ەكى اۆتوكولىك پارتىلاپ، ءورت كەتكەن. ءتىلشى حاباردى جولداعانعا دەيىن 31 ادام قازا بولىپ، 90 ادام جارالانعان.

　　ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بۇل ىستەن حاباردار بولعاننان كەيىن دەرەۋ ماڭىزدى نۇسقاۋ بەرىپ، دەلونى جەدەل انىقتاپ، زورلىقتى كۇش، لاڭكەستىك دەلوسىن تۋدىرۋشىلاردى قاتاڭ جازالاۋدى؛ جارالانعانداردى دەر كەزىندە ەمدەۋ، زيانكەستىككە ۇشىراعانداردىڭ وتباسىنداعىلاردى جۇباتۋ قىزمەتتەرىن دەر كەزىندە ۇيىمداستىرىپ، شارلاۋ مەن ءتۇيىندى ورىنداردا ساقتىق شارالارىن ىستەۋدى جالپى بەتتىك كۇشەيتىپ، تىزبەكتى رەاكسيا تۋىلۋىنىڭ الدىن الۋدى، زورلىقتى كۇش، لاڭكەستىك ارەكەتتەرى مەن لاڭكەستەرگە قاراتا ساقتىقتى كۇشەيتىپ، قاتاڭ سوققى بەرىپ، سوققى بەرۋ مەن باسىقتىرۋ اۋقىمىن جالعاستى ساقتاپ، قوعامنىڭ ورنىقتىلىعىن كۇش سالا قورعاۋدى تالاپ ەتتى.

　　ورتالىقتاعى باسشى جولداستاردىڭ نۇسقاۋى بويىنشا، مەملەكەتتىك كەڭەس مۇشەسى، قوعام حاۋىپسىزدىگى مينيسترى گو شىڭكۇن دەلونى بارلاۋ مەن ءبىرجاقتىلى ەتۋ قىزمەتىنە جەتەكشىلىك ەتۋ ءۇشىن قىزمەت گرۋپپاسىن باستاپ شينجياڭعا باردى. قازىر، جارالانعاندار ەمحاناعا جەتكىزىلىپ ەمدەلۋدە، دەلونى بارلاۋ قىزمەتى جەدەلدەتە ىستەلۋدە.

　　كەلۋ قاينارى: حالىق تورابى