بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ۇلى كانال مەن جىبەك جولى دۇنيە جۇزىلىك مادەني مۇراعاتتار تىزىمدىگىنە بىرگە ەنگىزىلدى

ءۇش ەلدىڭ جىبەك جولىن تىزىمدىككە ەنگىزۋگە بىرگە ءوتىنىش ەتۋى بۇرىن بولىپ كورىلمەگەن

ءتىلشىمىز جاۋ شياۋشيا، شى چاڭ، سۇن يلەر حابارلايدى 

2014.06.23 13:16   كەلۋ قاينارى : حالىق تورابى



  «جىبەك جولىنىڭ باستالاتىن جەرى جانە ءتاڭىر تاۋى كاريدورىنداعى تورابى» مۇراجايلاردىڭ ورنالاسۋ سحەماسى. (ماتەريالدىڭ كەلۋ قاينارى: مەملەكەتتىك مادەني مۇراعاتتار مەكەمەسى)

  جۇڭگو بيىل دۇنيە جۇزىلىك مادەني مۇراعاتتار تىزىمدىگىنە ءوتىنىش ەتكەندە مىناداي ەكى تابىسقا جەتتى: ۇلى كانال دۇنيە جۇزىندەگى ەڭ ۇزىن جاساندى سۋ جولى، جىبەك جولى دۇنيەدەگى ەڭ ۇزىن مادەني مۇراعات جەلىسى. بەس مىڭ جىلدىق تاريحقا يە جۇڭگو جونىنەن «ءبىر كانال مەن ءبىر جولدى» دۇنيە جۇزىلىك مادەني مۇراعاتتار تىزىمدىگىنە تابىستى تۇردە ءوتىنىش ەتىپ ەنگىزۋى تاريحقا مۇراگەرلىك ەتۋدىڭ، مادەنيەتتى قورعاۋدىڭ تىڭ باستاماسىندا تۇرعاندىعى ءارى ەل ارالىق مادەني مۇراعاتتاردى دۇنيە جۇزىلىك مادەني مۇراعاتتار تىزىمدىگىنە بىرگە ءوتىنىش ەتىپ ەنگىزۋى وسىزامانعى ەل ارالىق مادەنيەتتىك اۋىس - كۇيىستىڭ تىڭ ۇلگىسى بولىپ تابىلادى.

   22 - ماۋسىمدا جۇڭگو ءوتىنىش ەتكەن ۇلى كانال نىسانى، جۇڭگو، قىرعىزستان، قازاقستان ەلدەرى بىرگە ءوتىنىش ەتكەن جىبەك جولى نىسانى 38 - كەزەكتى دۇنيە جۇزىلىك مادەني مۇراعاتتار كوميتەتىنىڭ تەكسەرۋىنەن ءوتىپ، «دۇنيە جۇزىلىك مادەني مۇراعاتتار تىزىمدىگىنە» رەسمي ەنگىزىلدى. بۇل ەلىمىزدىڭ 32-، 33 - دۇنيە جۇزىلىك مادەني مۇراعاتى بولىپ، قازىرگە دەيىن ەلىمىزدىڭ دۇنيە جۇزىلىك مادەني مۇراعاتتاردىڭ ىشىندەگى جالپى مۇراعاتىنىڭ سانى 47 گە جەتىپ، دۇنيە ءجۇزى بويىنشا 2 - ورىنعا يە بولدى.

   بيىلعى ءوتىنىش بەرۋ بارىسىندا جۇڭگو، قىرعىزستان، قازاقستان بىرگە ءوتىنىش ەتكەن جىبەك جولىنىڭ «چاڭ-ان ــــ ءتاڭىر تاۋ كاريدورىنداعى تورابى» نىسانى جۇڭگونىڭ تۇڭعىش رەت ەل ارالىق سەلبەستىك جاساعان، ءساتتى ءوتىنىش ەتىپ تىزىمگە ەنگىزگەن نىسانى بولدى.

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

【1】 【2】 【3】 【4】 【5】 
جاۋاپتى رەداكتورى : نۇرعيسا قۇرمانجان ۇلى

 سۋرەت