وڭتۇستىك كورەيادا ەكى پويەز سوعىلىسىپ، ءبىر ادام قازا بولىپ، 83 ادام جارالاندى

2014.07.23 16:47   كەلۋ قاينارى : حالىق تورابى

　　حالىق تورابى، 23 – شىلدە، سەۋل. شينحۋا تورابىنىڭ حابارلاۋىنشا، وڭتۇستىك كورەيانىڭ گاڭۋون – دو ولكەسى تايباك قالاسىندا 22 – شىلدە تۇستەن كەيىن ەكى پويەز ءوزارا سوعىلىسقان شىرعالاڭ تۋىلىپ، شىرعالاڭدا ءبىر ادام قازا بولىپ، 83 ادام جارالاندى.

　　وڭتۇستىك كورەيا بىرلەسپە اگەنتتىگىنىڭ حابارلاۋىنشا، سول كۇنى تۇستەن كەيىن ساعات 5تەن 51 مينۋت وتكەندە وڭتۇستىك كورەيانىڭ گاڭۋون – دو ولكەسى تايباك قالاسىنداعى بەلگىلى جول بولەگىندە سەۋل قالاسىنداعى چيۇڭناڭنيدان گاڭنيۇڭ قالاسىنا قاراي جولعا شىققان جولاۋشىلار پويەزى مەن ساياحات پويەزى ءوزارا سوعىلىسىپ، ءبىر ءبولىم ۆاگوندار رەلىستەن شىعىپ كەتكەن.

　　شىرعالاڭ تۋىلعان كەزدە جولاۋشىلار پويەزىندە 63 جولاۋشى، ساياحات پويەزىندە 40 جولاۋشى بار بولاتىن. شىرعالاڭدا ءبىر ادام قازا بولىپ، 83 ادام تۇرلىشە دارەجەدە جارالانعان، 10 ادامنىڭ جاراقاتى اۋىر، باسقالاردىڭ جاراقاتى جەڭىلدەۋ. جارالانعاندار سول ماڭداعى ەمحاناعا جەتكىزىلىپ ەمدەلۋدە.

　　كەلۋ قاينارى: حالىق تورابى