لۋدياندەگى جەر سىلكىنىسىندە اۋىر ءولىم-ءجىتىم تۋىلدى

اپاتتان قۇتقارعا كومەك بەرۋ، زاتتىق قۇرال- جابدىقتاردى تاسىمالداۋ جەدەل جۇرگىزىلۋدە

2014.08.04 15:25   كەلۋ قاينارى : حالىق تورابى

　　حالىق تورابى، 3 - تامىز، كۇنميڭ. مەملەكەتتىك جەر سىلكىنىسىن باقىلاۋ ستانسياسى تورابىنىڭ ولشەۋىنە نەگىزدەلگەندە، بەيجيڭ ۋاقىتى 3 – تامىز ساعات 16دان 30 مينۋت وتكەندە، يۇننان ولكەسى جاۋتۇڭ قالاسى لۋديان اۋدانىندا (سولتۇستىك ەندىك 27.1 گرادۋس، شىعىس بويلىق 103.3 گرادۋس) 6.5 بال جەر سىلكىنگەن، سىلكىنىس قاينارىنىڭ تەرەڭدىگى شامامەن 12 كيلومەتر بولعان. ءتىلشى حابار جولداعانعا دەيىن، جەر سىلكىنىسىنىڭ اسەرىنەن 367 ادام قازا بولعان.

　　ءتىلشىنىڭ يۇننان ولكەسى جاۋتۇڭ قالاسىنداعى، لۋديان اۋدانىنداعى قاتىستى ورىنداردان ۇعىسۋىنشا، جەر سىلكىنگەن وڭىرگە باراتىن جولداعى لۇڭتۋشان قالاشىعىندا كوپتەگەن ءۇي قۇلاعان، اۋداننان وسى قالاشىققا باراتىن جولدا لاي كوشكىنى ءتۇسىپ، قاتىناسقا بەلگىلى دارەجەدە ىقپال جەتكەن، قول تەلەفون بايلانىسى دا ەداۋىر كەدەرگىگە ۇشىراعان. جەر سىلكىنىسى تۋىلعاننان كەيىن، يۇننان ولكەسى 2 – دارەجەلى اتتانىسقا كەلۋدى جەدەل ىسكە قوستى، ىلە – شالا ونى 1 – دارەجەلى اتتانىسقا كەلۋگە وزگەرتتى، ولكە باستىعى لي جيحىڭ، ولكەلىك پارتكوم شۋجيى چين گۋاڭرۇڭ ىلگەرىندى – كەيىندى جەر سىلكىنىسى تۋىلعان رايونعا بارىپ، جەر سىلكىنىسىنە قارسى تۇرىپ، اپاتتان قۇتقارۋعا جەتەكشىلىك ەتتى. يۇننان ولكەلىك اسكەري رايون، 14 – ارميا توبى، قوعام حاۋىپسىزدىك ءورت ءوشىرۋ اترەتى، قارۋلى ساقشى ءبولىمى، شەكارا قورعانىس ءبولىمى قاتارلى بەس قوسىننان جالپى 4 مىڭنان استام ادام اپات تۋىلعان رايونعا بارىپ جەر سىلكىنىسىنە قارسى تۇرىپ، اپاتتان قۇتقارۋ قىزمەتىن ورىستەتتى. ودان باسقا 600 نەشە ادامنان ۇيىمداسقان شۇعىل جاعدايعا توتەپ بەرۋشى كۇش تە اپاتتان قۇتقارۋعا قاتىناستى. يۇننان ولكەسىندەگى مامانداردان ۇيىمداسقان 11 ەمدەۋ اتىرەتى مەن 120 نەشە ەمدەۋ قىزمەتكەرى اپات تۋىلعان رايونعا باردى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى