«وتان قۇرىش قورعانىمىز»

ـــ جۇڭگو ازاماتتارى ەلشىحانانىڭ كومەكتەسۋىندە ليۆيادان ۇيىمدى تۇردە كوللەكتيۆ شەگىندى

گازەتىمىزدىڭ تۋنيستە تۇراتىن ءتىلشىسى سۇن جيان، ەگيپەتتە تۇراتىن تىلشىسى ۋاڭ يۇنسۇڭ حابارلايدى

2014.08.04 15:30   كەلۋ قاينارى : حالىق تورابى

　　2 - تامىزدا ليۆيادان شەگىنگەن جۇڭگو ازاماتتارى گرەتسيانىڭ افينا قالاسىنا تاياۋ جەردەگى پيرەي پورتىنا جەتتى. شينحۋا اگەنتتىگى جولداعان

　　تۋنيستىڭ جەرگىلىكتى ۋاقىتى بويىنشا 2 - تامىز 22 ساعاتتا ليۆيادا قىزمەت ىستەيتىن جۇڭگو ازاماتتارىنان 97 ادام جۇڭگو ديپلوماتتارىنىڭ كومەگىمەن كەدەننەن ءوتۋ رەسىميەتىن ءساتتى وتەپ، تۋنيس - ليۆيا شەكاراسىنداعى لارس جاي دەال كەدەنىنەن تۋنيس تەرريتورياسىنا كىردى. جۇڭگونىڭ ليۆيادا تۇراتىن ەلشىحانا قىزمەتكەرلەرى: بۇل ەلشىحانانىڭ كومەگىندە ۇيىمدى تۇردە كوللەكتيۆ شىگىنگەن جۇڭگو ازاماتتارىنىڭ ەڭ سوڭعى توبى، وسىمەن جۇڭگو ازاماتتارىنىڭ ليۆيادان كوللەكتيۆ شەگىنۋى ۋاقىتشا اقىرلاستى دەۋگە بولادى دەدى.

　　13 - شىلدەدەن بەرى ليۆياداعى ەكى توپ حالىق جاساعى قارۋلى كۇشتەرى استانا تريپوليداعى حالىقارالىق اۋەجاي ماڭايندا ۇزدىكسىز قارۋلى قاقتىعىس تۋدىرعاننان بەرى، شايقاس بىرتىندەپ اۋە جاي ماڭىنان قالا ماڭى رايونىنا قاراي كەڭەيدى. سونىمەن بىرگە شىعىس بولەكتەگى بىڭحازى قالاسىنداعى قاقتىعىس تا بارعان سايىن ءورشىدى. جەرگىلىكتى ورىننىڭ حاۋىپسىزدىك جاعدايىنىڭ شۇعىل ۋشىعۋىنا بالانىستى، سىرتتاعىلاردىڭ ليۆيادا تاعى دا جاپپاي ىشكى سوعىس تۋىلۋىنان الاڭداۋى كۇن سايىن كۇشەيىپ، ليۆياداعى جۇڭگو ازاماتتارى تاعى دا حاۋىپتى جاعدايدا قالدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى