ىلە قازاق اۆتونوميالى وبلىسى قۇرىلعاندىعىنىڭ 60 جىلدىعىن قۇتتىقتاۋ بايلانىسىمەن، ساحارانىڭ ءساندى سىمباتىن سەزىنىپ، قازاقتىڭ ۇلتتىق مادەنيەتىن ۇلىقتاۋ ءۇشىن قۇلجا اۋدانى سالتاناتتى ساحارا سالت – سانا مادەنيەت قيمىلىن ۇيىمداستىردى. قىز قۋار، كوكبار، بالۋان قاتارلى ۇلتتىق ويىندارمەن قاتار اقىندار ايتىسى وتكىزىلىپ، بۇركىتشىلەر توبى مەن تۇيەلى كوش كورەرمەن الدىنان ءوتتى، اسىل تۇقىمدى قوي مەن سيىردى باعالاۋ، ۇلتتىق ويۋ – ورنەكتەردى باعالاۋ قاتارلى قيمىلدار وتكىزىلىپ، ساياحاتشىلارعا ساحارا مادەنيەتىن كورسەتتى. بۇل قيمىل كوكقامىر ساحاراسىنىڭ تۋراسۋ جايلاۋىندا ەكى كۇن وتكىزىلىپ، 7 – تامىز كۇنى اياقتادى. سۋرەتتە: بۇركىتشىلەر توبى مۋ جۇڭچيڭ فوتوسى
كەلۋ قاينارى: حالىق تورابى