تولى اۋدانىندا تۇڭعىش كەزەكتى «دومبىرا» مادەنيەت مەرەكەسى بولىپ ءوتتى

2014.08.18 12:37   كەلۋ قاينارى : حالىق تورابى

　　اسپانىندا ءان اۋەلەپ، اسقارىندا جىر قوناقتاعان قاراعاي باستاۋداي قاسيەتتى مەكەن تامىزدىڭ ءار تاڭىن سۇلۋدا- سۇلۋ جىرمەن كۇتىپ، قاسيەتتى قارا دومبىرادان شىققان كۇمبىرلى كۇيدىڭ سىرلى سازىمەن تەربەتتى.

　　تولى اۋدانىنىڭ تۇڭعىش كەزەكتى «دومبىرا » مادەنيەت مەرەكەسى، تولى اۋدانىنىڭ 30- كەزەكتى اقىندار ايتىسى جانە تولى اۋدانىنىڭ 7 - رەتكى از ۇلتتار داستۇرلى دەنە- تاربيە قىيمىلى 2014- جىلى 8- تامىزدان 10- تامىزعا دەيىن تولى اۋدانىندا سالتاناتپەن وتكىزىلدى.

　　تولى اۋداندىق پارتكوم مەن حالىق ۇكىمەتى وسى قىيمىلعا ەرەكشە ءمان بەرىپ ارناۋلى باسشىلىق القاسىن قۇرىپ، اقىندار ايتىسى، تەرمە ورىنداۋ جارىسى، «بەيبىتشىلىك ءۇنى» اتتى دومبىرادا كۇي تارتۋ شەبەرلىك باسەكەسى، «ءار ۇلت حالقى بەرەكە ءبىيىن ءبىر بيلەيىك» اتتى مىڭ ادامدىق الاڭ ءبيى جارىسى، ارناۋلى كوركەمونەر كونسەرتتەرى، ۇلتتىق قولونەر بۇيىمدار كورگىزبەسى مەن ۇلتتىق ەرەكشەلىككە يە جاسىل ازىق- ءتۇلىك كورگىزبە قىيمىلىن جانە جەرلىك اۆتورلاردىڭ كىتاپتار كورگىزبەسىن، كولەمدى زاڭ- ءتۇزىم ۇگىت قىيمىلىن وتكىزۋمەن بىرگە تولى اۋدانى تولى قالاشىق بايگەتوبە تۇرعىندار اۋماعىنىڭ كورشىلەر مەرەكەسىن ىركەس- تىركەس وتكىزدى.

　　اقىندار ايتىسى اتادان بالاعا جالعاسقان قاسيەتتى مەرەكەمىز، اقىندار ايتىسىنىڭ باستالۋ سالتىندا تولى اۋداندىق پارتكومنىڭ ورىنباسار شۋجيى، اۋدان اكىمى جالىن توقتاعازى ۇلى «تولى اۋدانىنداعى ەڭ باستى ەرەكشەلىك - ۇلتتىق مايەكتى مادەنيەت ەكەندىگىن دۇرىس تانىپ جەتتىك. ءسۇيتىپ تولى اۋدانىندا ادەبيەت- كوركەمونەرگە اۋەس، وقۋعا، بىلىمگە، ونەرگە دەن قويۋ داستورگە اينالعان، تولى ونەرپازدارى ءوز ولكەسىنىڭ ات - اتاعىن تاۋداي ەتكەن وسى ادەبيەت - كوركەمونەر سندى ونەردى وزدەرىنىڭ ءداستۇرلى ونەرى دەپ بىلدى»،-دەپ اتاپ وتكەنىندەي، ءبىر توپ جاس بۋىن اقىندار مەن كۇيشىلەر جەتىلىپ كەلە جاتقاندىعى حالقىتى قۋانتىپ، كۇمبىرلى كۇيىمەن، تاتىمدى جىرلارىمەن سۋسىنداتتى.

　　«دومبىرا» مادەنيەت مەرەكەسى تولى اۋدانىنىڭ ءتول مەرەكەسى ەتىپ بەلگىلەنىپ جىل سايىن مازمۇنىن مولىقتىرىپ وتكىزىپ تۇرۋ قاۋلى ەتىپ قارالدى. ەگىنشى مالشىلاردى نەگىز ەتىپ ساحىناداعى ايتىس سوڭى ساحاراعا ۇلاسىپ 7- كەزەكتى داستۇرلى دەنە- تاربيە قىيمىلى مايلى تاۋىنىڭ بوكتەرىندەگى كوكجايداق كوكتەۋلىگىندە جالعاسىن تاپسا، تولى اۋداندىق 1- ورتا مەكتەپتىڭ دەنە- تاربيە الاڭىندا اۋدان كولەمىندگى 6 الەۋمەتتىك اۋماق، 2 قالاشىق، 4 اۋىلدىق جانە قارتتار ۇيىمى قاتارلى 12 ورىننان كەلگەن مىڭنان استام ءار ۇلت الاڭ ءبي اۋەسكەرلەرى باسەكەگە تۇسىپ، مەرەكە سالتاناتىن اسىردى. «باقىت جاراتىپ، جاراسىمدىلقتى جەبەۋ» دەگەن اتپەن وتكىزىلگەن كورشىلەر مەرەكەسى ۇيلەنگەنىنە 50 جىل بولعان «التىن نەكەلى جۇبايلار وتباسىن»، «تاتۋ كورشىلەر وتباسىن»، «مادەنيەت پەرىشتەلەرىن» سيلاۋ ەستەلىك بۇيىم تاراتۋ سياقتى باي مازمۇندى قامتىدى.

　　كەلۋ قاينارى: حالىق تورابى

　　تولى اۋداندىق پارتكوم ءۇگىت ءبولىمى: عادىلەت داكەنوۆ