قازاقتىڭ ءداستۇرلى شاي قايناتۋ ونەرىنەن جارىس وتكىزىلدى

2014.08.28 16:25   كەلۋ قاينارى : حالىق تورابى

　　ەرىكتى ءتىلشى نۇرشا قاسەيىن قىزى حابارلايدى. التاي ايماعىنىڭ بۋرىلتوعاي اۋدانىندا 26 – تامىز كۇنى قازاقتىڭ ءداستۇرلى شاي جاساۋ ونەرىنەن جارىس وتكىزىلدى. اۋدانعا قاراستى 4 اۋىل مەن ەكى قالاشىقتان بارماعىنان بال تامعان 23 قىز – كەلىنشەك قاتىناستى.

　　شاي ــ ۇلتىمىزدىڭ تۇرمىسىندا تاريحتان قالىپتاسقان ءداستۇرلى مانگە يە سۋسىندىق. قازاق حالقىنىڭ تۇتىنىمىنا سايكەس، شاي − كەمپىر شاي، اق شاي، قارا شاي، بور شاي جانە اق سۋ سياقتى تۇرلەرگە بولىنەدى. قازاق حالقى ەجەلدەن كەز كەلگەن ادامداردى ۇلتىنا، دىندىك سەنىمىنە، جىنىسىنا قاراماستان ۇيگە كىرىپ ءبىر شاۋگىم شاي ءىشىپ كەتۋگە ءىلتيپات ەتۋدى ادەتىنە اينالدىرعان. قازاق حالقى ءبىر شاۋگىم شايدى «بولىنبەگەن ەنشى» دەپ ساناپ، بەرەكە - بىرلىكتىڭ دانەكەرى ەتكەن.

　　بۇل رەتكى جارىس ۇلتىمىزدىڭ بەرەكە – بىرلىكتى سۇيەتىن قوناعۋار ۇلت ەكەنىن ءبىر قىرىنان كورسەتىپ، كورۋگە اسىققان ءادىلعازىلار مەن ءار ۇلت كورمەندەرىنىڭ قازاقتىڭ شاي مادەنيەتىنە دەگەن تۇسىنىكتەرىن تەرەڭدەتتى.

　　وسى رەتكى جارىسقا قاتىناسىپ بىرىنشىلىكتى ەنشىلەگەن گۇلنۇر ۇيىسقان قىزى قۋانشتى تۇردە: اۋدانىمىزدىڭ قازاق ۇلتىنىڭ داستارقان مادەنيەتىن وزگە ۇلت وكىلدەرىنە كورسەتۋگە وراي جاراتىپ بەرگەندەرىنە مىڭدا ءبىر العىس ايتامىن، وسىنداي قيمىلدار جالعاستى وتكىزىلسە، مەن تاعى دا قاتىناسامىن، -دەدى.

　　كەلۋ قاينارى: حالىق تورابى