بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

قابا اۋداندىق بوكسەر كومانداسى موڭعۇليادان كۇمىس مەدالمەن ورالدى

2014.09.02 16:30   كەلۋ قاينارى : حالىق تورابى

قابا اۋداندىق بوكسەر كومانداسى موڭعۇليادان كۇمىس مەدالمەن ورالدى

  ەرىكتى ءتىلشى ازامات ءارحام ۇلى حابارلايدى. قابا اۋداندىق ورتالاۋ مەكتەپتىڭ بوكسەر كومانداسى 30 - تامىزدا موڭعۇليادان جەڭىسپەن ورالدى. اتالعان كوماندا موڭعۇليا مەملەكەتى بايانولگەي ايماعىنىڭ ۇسىنىسى بويىنشا، التاي ايماقتىق پارتكوم مەن اكىمشىلىك مەكەمەسىنىڭ ورنالاستىرۋىنا ساي، التاي ايماعى اتىنان موڭعۇليادا وتكىزىلگەن 2014 - جىلعى حالىقارالىق بوكسەر جارىسىنا قاتىناسىپ، ءبىر كۇمىس مەدالعا يە بولدى.

  بۇل جارىسقا قازاقستان، رەسەي، جۇڭگو جانە موڭعۇليا ەلدەرىنەن جالپى 7 كوماندادان 86 بىلعارى قولعاپ شەبەرى 9 ءتۇرلى سالماق بويىنشا باقتارىن سىنادى. وسى كەزەكتى جارىستا ەلىمىزدىڭ نامىسىن تىكتەگەن سپورتشىلاردىڭ اراسىنان 91 كيلوگرامدىق سالماق بويىنشا جارىسقا قاتىناسقان تالپىن قاۋكەن ۇلى قيان - كەسكى سايىستا ءوز ونەرىن تولىق ساۋلەلەندىرە وتىرىپ، ءوز سالماعىندا 2 - ورىنعا تابان تىرەپ، كۇمىس مەدالعا يە بولىپ، ەلىمىزگە ۇلكەن داڭق اپەرىپ، تۋعان اۋىلىنا اتاق - ابروي، قۋانىشپەن ورالدى...

  سپورتشى تالپىن قاۋكەن ۇلىنىڭ بۇل ناتيجەسىن جاتتىقترۋشىسى بولعان مۇرات بوشاي ۇلىنىڭ ەڭبەگىنەن بولە قاراۋعا بولمايدى. مۇرات بوشاي ۇلى 1992 - جىلى بوكسەر كومانداسىن قۇرىپ، ءوز اۋەسى بويىنشا تالىقپاي قۇلشىنۋ ارقىلى كاسىپتىك جاتتىقترۋشى بولىپ، قانات، باقىتبەك، تولەۋقان قاتارلى ءبىر توپ ونەرى ۇستەم بىلعارى قولعاپ شەبەرلەرىن تاربيەلەپ شىقتى. ولاردىڭ بەرىسى ايماق، اۆتونوميالى رايون، مەملەكەتتىك جارىستارعا قاتىناسىپ جۇلدەلى ورالسا، الدى شەكارا اتتاپ ازياداعى جارىستار مەن وليمپيادا ساحناسىنان بوي كورسەتىپ، ەلىمىزگە داڭق اپەردى. مۇرات كوماندا قۇرعاننان بەرى 600دەن استام بوكسەرشى تاربيەلەسە، قازىرگى تاڭدا ونىڭ 300دەن استام شاكىرتى ءار دارەجەلى دەنە تاربيە كوماندالارىندا جانە مەكتەپتەردە قىزمەت ەتۋدە.

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت