قازاقستانداعى ەڭ ۇلكەن مەشىت ـــ حازىرەت سۇلتان مەشىتى

2014.09.09 15:35   كەلۋ قاينارى : حالىق تورابى

　　حالىق تورابى، 9 - قىركۇيەك، «جاڭا جىبەك جولىنا ساپار» اتىنداعى حابار گرۋپپاسىنىڭ استانادان بەرگەن حابارى. سارى ارقا توسىنەن بوي كوتەرگەن جاس قالا ـــ استاناداعى وسىزامان عيمارات شوعىرىنىڭ ىشىندە حازىرەت سۇلتان مەشىتى كوزگە ەرەكشە شالىنادى، حازىرەت سۇلتان مەشىتى استاناداعى ەسىل وزەنىنىڭ سول جاعالاۋىنا ورنالاسقان، قازاقستانداعى ەڭ ءىرى مەشىت، مەشىتتە ءبىر ۋاقىتتا 5000 مىڭ ادام سيادى، ايت نامازى كەزىندە مەشىت سىرتىنداعى الاڭدى قوسقاندا 10000 مىڭ ادام ءبىر ۋاقىتتا ناماز وتەي الادى.

　　مەشىت ءىسلام ۇلگىسىندە سالىنىپ، قازاقتىڭ ۇلتتىق ويۋ – ورنەكتەرىمەن اشەكەيلەنگەن. مەشىتتىڭ كۇمبەزى قازاقستاندا ەڭ ۇلكەن بولىپ، كۇمبەزىنىڭ بيىكتىگى 51 مەتر، كەڭدىگى 28.1 مەتر؛ مەشىتتىڭ ءتورت مۇناراسىنىڭ بيىكتىگى 77 مەتر.

　　مەشىتكە كۇنىنە مەشىت قاۋىمىنان سىرت، كوپتەگەن ساياحاتشىلار كەلىپ كەتەدى. ءۇش قاباتتىق مەشىتتە ناماز وتەۋ زالى، كىتاپحانا، ەڭ جاڭا اسپاپتارمەن جابدىقتالعان وقىتۋ بولمەسى جانە دارەت الۋ، نەكە قيۋ ۇيلەرى، قايىر – ساحابات پەن اۋىز ازار سياقتىلارعا ارنالعان ۇلكەن اسحانا بار. تانىستىرۋعا قاراعاندا، حازىرەت سۇلتان مەشىتىندە جەكەلىك تەلەۆيزيا، راديو جانە گازەت، توراپ قاتارلىلار دا بار.

　　حازىرەت سۇلتان مەشىتىنىڭ جەر اۋدانى 11 گەكتاردى الىپ جاتادى، مەشىت قۇرىلىسىنىڭ كولەمى 177000 شارشى مەتر، بۇل ارادا 745 اۆتوكولىك توقتاتۋعا بولاتىن اشىق كولىك توقتاتۋ الاڭى مەن 5 ءىرى سۋ بۇرقاق بار، كەشكە شىراقتار مەشىتتىڭ سىرتقى جاعىن تۇگەلىمەن نۇرلاندىرادى.

　　كەلۋ قاينارى: حالىق تورابى